PINALAWIG pa ng Commssion on Elections (Comelec) ang tyansa ng mga nais makakuha ng local absentee voting para sa darating na halalan.
Matatandaang Marso 7, 2016 sana ang deadline ng application, batay na rin sa dating resolusyon ng Comelec.
Ngunit matapos ang en banc session, sinabi ni Comm. Rowena Guanzon na tatagal nang hanggang Marso 31 ang pagtanggap nila ng mga application form.
Sakop ng local absentee voting ang mga botanteng may updated na voting status at may kompletong biometrics ngunit kailangang magserbisyo sa darating na halalan.
Kasama sa pinapayagang makapag-avail ng absentee voting ay ang mga pulis, sundalo, ilang kawani ng gobyerno at kasapi ng lehitimong ahensiya ng gobyerno. BOBBY TICZON