MANILA, Philippines – Naghain ng ilang panukalang batas si Senate President Francis “Chiz” G. Escudero na may layuning palakasin ang micro, small, and medium enterprises (MSMEs), natatanging gulugod ng pambansang ekonomiya, sa pamamagitan ng pagbibigay ng insentibo sa pagbubuwis at pagpapaluwag ng pautang upang mapalago at mapalawak ang maliliit na negosyo.

Sa isang pahayag, sinabi ni Escudero na bahagi ang pro-MSME bills sa 10 panukalang batas na nais niyang bigyang prayoridad sa 20th Congress. Kinikilala ng mga ito ang mahalagang papel ng maliliit na negosyo sa pambansang ekonomiya, na nagbibigay ng mahigit 67 porsiyento ng kabuuang trabaho sa buong bansa.

Nakatakdang gawing exempted sa income tax ang MSMEs sa loob ng tatlong taon, at ibabawas sa kanilang taxable income ang halagang katumbas ng 25 porsiyento ng kanilang gastusin sa labor.

Kasama rin dito ang panukalang bawasan ang optional tax sa gross sales o receipts sa 5 porsiyento mula sa kasalukuyang 8 porsiyento.

Isinusulong din ni Escudero ang pagpapaluwag sa tantos sa ilalim ng creditable withholding tax system sa dalawa, tulad ng 1 porsiyento sa pagbili ng goods at properties, at 2 porsiyento sa pagbili ng services.

Nanawagan din ang senador para sa pagbabalik ng mandatory credit allocation sa MSMEs ng lahat ng lending institutions sa loob ng 10 taon upang mabigyan ng mas maraming oportunidad ang maliliit na negosyo na magkaroon ng pagkukunan ng puhunan.

“These will allow our MSMEs, particularly those that are struggling financially, to continue their operations, hire more people and even consider an expansion in the future,” ayon kay Senate President Escudero. Ernie Reyes

The post Bills ni Chiz: Buwis ng MSMEs, babawasan; credit access paluluwagin first appeared on Remate Online.

MANILA, Philippines – Pinangunahan ni Pangulong Ferdinand “Bongbong” Marcos Jr. ang paglulunsad ng P20 kada kilong bigas sa Bacoor, Cavite nitong Miyerkules, kasama si Kalihim ng Agrikultura Francisco Tiu Laurel Jr.

Ibinenta ang bigas sa mga stall ng Kadiwa ng Pangulo sa Zapote Public Market para sa mga kabilang sa bulnerableng sektor—mga benepisyaryo ng 4Ps, senior citizens, PWDs, at solo parents—na maaaring bumili ng lima hanggang sampung kilo bawat isa.

Ipinaliwanag ng Pangulo na ang pagkaantala ng pangakong ito ay bunsod ng pangangailangang unahin ang suporta sa mga lokal na magsasaka, tulad ng pagbibigay ng makinarya.

Sinimulan ang programa sa Visayas, at susunod ang Mindanao ngayong buwan.

Ang bigas ay sinusuportahan ng subsidiya mula sa Food Terminal Inc., at target ng Department of Agriculture na ituloy ang programa hanggang 2028, na posibleng makinabang ang hanggang 15 milyong kabahayan sa buong bansa. Santi Celario

The post P20/kg bigas mabibili na sa Bacoor, Cavite first appeared on Remate Online.

MANILA, Philippines – Itinanggi ng Department of Education (DepEd) ang kumakalat na ulat tungkol sa umano’y pagdaragdag ng Saturday classes mula elementarya hanggang senior high school, na tinawag nitong fake news.

“Fake news ang kumakalat na social media post tungkol sa umano’y pagdaragdag ng Saturday classes sa elementary hanggang senior high school,” ayon sa ahensya.

Nanawagan ang ahensya sa publiko na maging mapanuri sa mga maling impormasyon at sumangguni lamang sa kanilang opisyal na social media accounts para sa tamang anunsyo.

Nagsimula ang pasukan noong Hunyo 16 para sa School Year 2025–2026, na may humigit-kumulang 27 milyong enrollees. Santi Celario

The post Ulat ukol sa ‘Saturday classes’ fake news – DepEd first appeared on Remate Online.

Walang hospital arrest o espesyal na trato kay dating Negros Oriental congressman Arnolfo “Arnie” Teves Jr. matapos siyang ma-discharge mula sa Philippine General Hospital, ayon sa Department of Interior and Local Government.

Ayon kay DILG Secretary Jonvic Remulla, maayos na ang kalagayan ni Teves para sa pagkakakulong at ituturing siya gaya ng ibang persons deprived of liberty (PDL).

Giit pa ni Remulla na walang special treatment na ibibigay kay Teves.

Samantala, ibinalik na sa kustodiya ng BJMP Annex 2 sa Camp Bagong Diwa si dating kongresista Arnolfo “Arnie” Teves Jr. noong Martes ng gabi matapos ma-discharge mula sa Philippine General Hospital, ayon sa kanyang abogado.

Matapos sumailalim sa appendectomy noong Hunyo 18, nakararanas pa rin si Teves ng katamtamang pananakit ng tiyan at hihiling ng follow-up checkup mula sa mga doktor ng PGH makalipas ang isang linggo.

Si Teves ay sinasabing utak sa pagpatay kay Governor Roel Degamo at siyam pang iba noong Marso 2023.

Nahaharap siya sa mga kasong murder, frustrated murder, attempted murder, at illegal possession of firearms and explosives.

Itinanggi ni Teves ang mga paratang at tumangging magpasok ng plea, kaya’t not guilty ang ipinasok ng korte.

Inurong sa Hulyo 14 ang kanyang arraignment.

Kasama rin siya sa mga isinampang kaso kaugnay ng mga pagpatay noong 2019 at itinuturing na terorista ng Anti-Terrorism Council.

The post Walang special treatment, Teves balik-BJMP custody first appeared on Remate Online.

MANILA, Philippines – Sinimulan ng Bureau of Immigration (BI) ang pagpapatupad ng isang taong visa-free entry para sa mga may hawak ng Taiwanese passport mula Hulyo 1, 2025 hanggang Hunyo 30, 2026.

Alinsunod ito sa utos ni Pangulong Marcos Jr. upang pasiglahin ang turismo at palakasin ang ugnayang diplomatiko, bilang tugon sa visa-free privilege ng Taiwan para sa mga Pilipino.

Pinapayagan ang mga Taiwanese na manatili nang visa-free hanggang 14 na araw na hindi pwedeng pahabain o palitan.

Tiniyak ni BI Commissioner Joel Anthony Viado ang pagsunod sa mga tamang proseso para sa maayos na pagdating ng mga turista.

Layunin ng patakarang ito na mapataas ang bilang ng mga Taiwanese turista at suportahan ang lokal na ekonomiya. Noong 2024, naitala ng BI ang 235,674 na pagdating ng Taiwanese. RNT

The post Visa-free entry sa Taiwanese nat’ls aprubado ng Pinas first appeared on Remate Online.

MANILA, Philippines – Nanawagan ang Teachers’ Dignity Coalition (TDC) sa Department of Education (DepEd) na imbestigahan ang mga ulat na ipinagbibili ang mga posisyon sa pagtuturo at administratibo sa pampublikong paaralan kapalit ng pera.

Binigyang-diin ni TDC National Chairperson Benjo Basas na ang mga trabahong pampamahalaan ay dapat makuha sa pamamagitan ng merito, hindi pagbili, at tinawag ang umano’y “item-for-sale” scheme bilang banta sa katarungan at patas na sistema sa edukasyon.

Bagamat tinanggap nila ang matibay na paninindigan ni DepEd Secretary Sonny Angara laban sa korapsyon, hinikayat ni Basas ang DepEd na magsagawa ng agarang imbestigasyon kahit walang pormal na reklamo upang muling mabuo ang tiwala at pananagutan.

Binanggit din niya ang patuloy na takot ng mga guro na hadlang sa pag-uulat.

Nangako ang TDC na ipagpapatuloy ang pagsusulong ng hiring system na nakabatay sa merito at makikipagtulungan sa DepEd para labanan ang korapsyon. Santi Celario

The post ‘Pay for position’ scheme pinaiimbestigahan sa DepEd first appeared on Remate Online.

MANILA, Philippines – Muling inihain ni Senador Robinhood “Robin” Padilla ang panukalang batas na nagpapahintulot sa paggamit ng marijuana para sa medikal na layunin sa ilalim ng Cannabis Medicalization Act of the Philippines.

Una itong inihain bilang Senate Bill No. 2573 noong 19th Congress ngunit hindi pumasa sa ikatlong pagbasa, bagamat nakarating sa plenaryo at sinuportahan ng 13 senador.

Tiniyak ni Padilla na may mahigpit na pananggalang ang panukala mula sa pagtatanim hanggang sa pamamahagi ng cannabis sa mga kwalipikadong pasyente.

Katuwang niya ngayon si Senador Ronald “Bato” dela Rosa, na nagsabing tugma ang panukala sa polisiya kontra ilegal na droga ng gobyerno.

Layon din ng panukala na likhain ang Philippine Medical Cannabis Authority na nasa ilalim ng Department of Health. Isa ito sa sampung pangunahing panukala ni Padilla ngayong 20th Congress, kabilang ang divorce, pagbabawal sa political dynasty, halal certification, at Muslim prayer rooms sa mga pampublikong tanggapan. RNT

The post Padilla, ‘never say die’ sa medical marijuana law first appeared on Remate Online.

MANILA, Philippines – Kinondena ni Senate President Pro Tempore Jinggoy Estrada ang ipinataw na parusa ng China laban kay dating Senador Francis Tolentino, na tinawag niyang “hindi makatarungan.” Hinikayat niya ang Department of Foreign Affairs (DFA) na ipatawag ang Chinese Ambassador Huang Xilian upang magpaliwanag.

“Former Senate Majority Leader Francis Tolentino was well within his mandate when he pursued—duly supported by his colleagues in Congress, myself included—two landmark measures that had the full backing of the President: the Philippine Maritime Zones Act and the Philippine Archipelagic Sea Lanes Act,” pahayag ni Estrada.

“His actions were fully aligned with our democratic processes and legal frameworks,” giit pa ng senador.

Ipinagbawal si Tolentino na makapasok sa China, Macao, at Hong Kong dahil sa kanyang papel sa pagsusulong ng Philippine Maritime Zones Act at Philippine Archipelagic Sea Lanes Act. Depensa ni Estrada, legal at suportado ng Pangulo ang mga batas na ito.

Binatikos din ni Estrada ang patuloy na pananakot ng China sa West Philippine Sea, sa kabila ng panalo ng Pilipinas sa arbitral ruling noong 2016. “Nakakahiya ang ginagawa ng China,” ani Estrada, at giit niyang hindi dapat ituring na “egregious conduct” ang pagtatanggol sa karapatan ng bansa.

Tinawag pa niya itong banta sa katatagan ng rehiyon, at nagtanong kung isasama rin ba ng China sa parusa ang Pangulo na lumagda sa batas.

Samantala, sinabi ni Tolentino na itinuturing niyang “badge of honor” ang ipinataw na sanction para sa pagtatanggol sa karapatan ng mga Pilipino sa West Philippine Sea. RNT

The post Parusa ng Tsina vs Tolentino, pinalagan ni Jinggoy first appeared on Remate Online.

COTABATO, Philippines – Arestado ng National Bureau of Investigation (NBI) ang isang wanted na miyembro ng local terrorist group sa Cotabato City.

Ayon sa NBI, si Lutre Aman ay naaresto ng NBI-Bangsamoro Autonomous Region in Muslim MIndanao (NBI-BARMM) sa pinaigting na kampanya laban sa local terrorist groups sa bansa at sa bisa ng warrant of arrest sa kasong murder at multiple frustrated murder na inisyu ng Regional Trial Court (RTC) Branch 23.

Ang operasyon ay isinagawa dahil sa impormasyon na natanggap ng NBI-BARMM na ang isang Lutre Aman o kilalang miyembro ng Daulah Islamiyah-Hassan Group, na isang local terrorist group ay sangkot sa serye ng pambobomba sa Maguindanao at kalapit na probinsya ay pagala-gala sa Cotabato City.

Kilala umanong eksperto sa bomba at responsable sa pambobomba sa isang bus noong Enero 2021 sa Tulunan, North Cotabato na ikinamatay ng fruit vendor at ikinasugat ng iba pa.

Responsable rin si Aman sa panununog sa bus noong June 2021 sa Miang, Cotabato.

Sa beripikasyon sa Regional Trial Courts sa Cotabato kinumpirma na si Aman ay may standing warrant of arrest.

Dito na ikinasa ang operasyon dahilan para maaresto ang akusado sa parking area ng establisyimento sa Cotabato City . (Jocelyn Tabangcura-Domenden)

The post Terorista timbog sa Cotabato City first appeared on Remate Online.

MANILA, Philippines – Humigit-kumulang 300 pamilya ang nawalan ng bahay nang masunog ang isang residential area sa Sampaloc, Maynila sa kasarapan ng tulog, Miyerkuels ng madaling araw.

Sa progress report ng Manila Police Disrict (MPD), alas 12:32 ng madaling araw nang mangyari ang sunog sa kahabaan ng M. Dela Fuente St., kanto ng Amelia St., Brgy.439 at 488, Sampaloc, Maynila.

Umabot sa ika-apat na alarma ang sunog at naideklarang fire out ganap na alas 5:44 ng umaga.

Nagpapatuloy naman ang imbestigasyon ng Bureau of Fire Protection sa dahilan ng pagsiklab ng sunog at kabuuang halaga ng pinsala o natupok ng apoy.

Wala ring naitalang casualty o sugatan sa sunog.

Samantala, agad namang binisita ni Manila Mayor Isko Moreno Domagoso ang mga nasunugan upang makita ang kanilang sitwasyon.

Pagtitiyak ni Mayor Isko sa mga residente, tutulong ang pamahalaang lungsod upang sila ay muling makabangon muli.(Jocelyn Tabangcura-Domenden)

The post 300 pamilya nawalan ng bahay sa sunog sa Maynila first appeared on Remate Online.

MANILA, Philippines – Ayon sa Bureau of Jail Management and Penology (BJMP) upang mabigyan solusyon ang decongestion ng mga detention cell sa bansa nakapagpalaya ang BJMP ng 85,183 na Persons Deprived of Liberty (PDL) sa ating mga  jail facilities.

Ayon kay BJMP Chief Jail Director Ruel Rivera sa bilang na 85,183 na PDL na pinalaya umabot sa 296 percent ang napalaya simula noong taon 2023 ng nakalipas na taon hanggang 2025.

Sa ginanap na BJMP 34^th anniversary sinabi ni Director Rivera na isa sa malaking pagbabago sa ating mga jail facilities ay naibsan ang mga jail decongestion ng mga PDL welfare.

“Isa sa naging malaking hamon sa BJMP nitong nakalipas ay kung paano mabibigyan solusyon ang decongestion ng mga jail facilities sa bansa, at nabigyan solusyon naman ito sa pamamagitan ng programa para sa Paralegal Support Services” ng ating mga PDL” ayon pa kay Rivera.

Sinabi pa ni Director Rivera na kabilang sa mga programang ipinatupad ng BJMP ay ang pag-graduate ng 3,152 PDL at ang pagbibigay ng livelihood  program sa may 66,354 PDL upang maturuan silang maghanapbuhay kahit sila’y nasa detention facilities.

“Kabilang sa mga PDL na nakapagtapos ng kanilang education habang nasa jail facilities ay ang pag-graduate ng 107 PDL bilang college graduate” sinabi pa ni Rivera.

Kaugnay nito sinabi naman ni DILG Sec. Juanito Victor Remulla na malaki ang ginagampanan papel ng mga BJMP upang muling maituwid ang buhay ng mga PDL at muling maging mabuting mamamayan ng ating institusyon ayon pa sa DILG chief.

Sinabi pa ni Remulla na ang sakripisyong ito ng ating mga BJMP ay walang kapantay ayon pa sa DILG chief. (Santi Celario)

The post 85,183 PDL napalaya ng BJMP mula 2023 hanggang 2025 first appeared on Remate Online.

MULING nagpamalas ng husay si Kheith Rhynne Cruz matapos mag-uwi ng dalawang medalya, kabilang ang gintong medalya sa U19 mixed doubles ng World Table Tennis Youth Contender New York 2025.

Kasama si Aditya Sareen ng Australia, tinalo nina Cruz ang Indian pair na sina Sudhanshu Maini at Prisha Goel sa iskor na 11-9, 11-7, 9-11, 11-7 upang tanghaling kampeon sa mixed doubles.

Bukod sa tagumpay sa doubles, pumangalawa rin si Cruz sa U19 women’s singles kung saan natalo siya sa finals kontra Misuzu Takeya ng Japan, 11-4, 11-13, 11-9, 12-10.

Bago ang finals, winalis ni Cruz ang group stage at tinalo ang mga manlalaro mula Puerto Rico at United States, kabilang ang matitinding laban sa quarterfinals at semifinals.

Dahil sa kanyang mga panalo, umangat si Cruz sa ika-17 pwesto sa youth world rankings — pinakamataas na narating ng isang Pilipino sa kasaysayan ng table tennis.

Pinuri naman ni Table Tennis Federation president Ting Ledesma si Cruz sa kanyang narating. GP

The post Ginto, pilak nasikwat ng pinay sa world table tennis first appeared on Remate Online.

BULACAN – Isang bangkay ng babaeng masahista na umanoy tumanggi magbigay ng “extra service” sa kanyang parokyano ang nadiskubre ng mga caretaker sa isang farm sa Norzagaray.

Sa report ng Norzagaray Police Station, nadiskubre ng mga caretaker ang bangkay bandang 7:30 ng umaga noong Hunyo 27 sa isang farm sakop ng Kaypiskal road, Brgy.Tigbe.

Ayon sa pulisya, itinawag sa kanila ng mga caretaker ang naturang impormasyon kaya agad silang tumulak sa lugar upang malaman ang katotohanan.

Nang makarating sa lugar ay tumambad sa kanila ang bangkay ng hindi kilalang babaeng nakasuot ng black shirt na bahagyang nakalibing sa likurang bahagi ng farm.

Sa impormasyong nakalap, nagsagawa ng follow up operation ang pulisya hanggang sa matunton at nahuli kalaunan ang suspek na si alyas “Tano” sa Lemery, Batangas.

Ayon sa impormasyon, pinapunta ng suspek ang biktima sa kubo ng farm para magpamasahe subalit kulang ang ibinayad nito at hindi ito pumayag makipag-niig na naging mitsa ng kanilang pagtatalo.

Dahil dito,  sinampal siya ng biktima kaya pinalo niya ng bato, hinataw din ng bareta sa ulo, pinagsasak at inilibing ito sa kalapit na kubo, base na rin sa impormasyon.

Nadiskubre lamang ang insidente nang makita ng mga caretaker ang kakaibang nakaumbok na lupa na kanilang nakatuwaang hukayin hanggang sa bumulaga sa kanila ang bangkay ng babae.

Narekober ng mga awtoridad ang pala na ginamit sa paghukay at cellphone ng biktima sa suspek na nahaharap sa kasong murder habang nakakulong sa naturang istasyon ng pulisya.(Dick Mirasol III)

The post Masahista ayaw magbigay ng ‘extra service’ kinatay ng parokyano first appeared on Remate Online.

SA wakas ay nalasap na muli ng Cignal HD Spikers ang panalo kontra Creamline matapos ang tatlong taon at walong sunod na pagkatalo.

Tinambakan ng Cignal ang 10-time PVL champion sa straight sets, 25-22, 25-18, 28-26, sa Playtime Cares Filoil Centre nitong Martes.

Nanguna sa opensa si Erika Santos na may 18 puntos, habang si Ishie Lalongisip ay may 15 puntos kabilang ang back-to-back hits sa endgame.

Matikas din ang performance ni Gel Cayuna sa playmaking na may 22 excellent sets at limang puntos.

Ayon kay Coach Shaq Delos Santos, “Sobrang proud kami sa team.
Hindi namin in-expect na ma-straight sets ang Creamline.”

Ang panalong ito ay nagbigay sa Cignal ng 3-0 record sa Pool B at itinuturing na motivasyon upang mas mapaganda pa ang kanilang kampanya. GP/JC

The post Creamline taob sa HD Spikers first appeared on Remate Online.

NAGULAT ang lahat nang pataubin ng Manila Batang Quiapo ang Pasig, 92-89, sa MPBL Season 2025 sa Quezon Convention Center.

Pinangunahan ng mga bagong recruits na sina Joe Gomez De Liano, Alfred Sedillo, at Alexis Himan ang huling yugto upang kunin ang ikalawang panalo ng Batang Quiapo.

Umiskor ng 20 puntos si De Liano habang si Sedillo ay nagdagdag ng 18 puntos, pito rito sa fourth quarter.

Si Himan naman ay nagpakitang-gilas sa all-around performance na may 14 rebounds, 12 assists, at tatlong steals.

Sa kabila ng 40-point explosion ni Chito Jaime para sa Pasig, hindi ito naging sapat upang maiwasan ang kanilang ikatlong sunod na pagkatalo.

Bumagsak ang kartada ng Pasig sa 8-8 habang naghahanda naman ang MPBL sa mga susunod na laban sa Alonte Sports Arena. GP

The post Batang Quiapo wagi kontra Pasig sa MPBL first appeared on Remate Online.

Dinaig ng Alas Pilipinas ang Australia, 25-13, 25-15, 25-20, para palakasin ang hawak nito sa second seed sa pagtatapos ng pool play sa 2025 VTV Cup noong Martes sa Vinh Phuc, Vietnam.

Siselyuhan ng Pilipinas ang No. 2 spot sa Pool A kung tatalunin ng Vietnam ang Sichuan Wuliangchun sa finale ng pool play ngayong gabi.

Ito ay mangangailangan ng crossover quarterfinals matchup kasama ang Est Cola, ang under-21 national team ng Thailand, na dating pang-apat sa limang koponan sa 2024 PVL Invitational Conference.

Nagsimula ang Alas nang malakas at nagtapos nang mas malakas laban sa Aussies tulad ng kanilang bronze-medal sweep win noong 2024 AVC Challenge Cup sa Manila.

Ang MVP duo ng Petro Gazz na si Brooke Van Sickle at MJ Phillips ay nagpakita ng husay sa kanilang debut sa Alas, nanguna sa 18-6 blitz upang mapanalunan ang unang set nang madali.

At tulad ng opening frame, pinalobo ng Alas sa hanggang sa 10 dulo ng ikalawang set.

Nanatili ang pamamayagpag ng Alas haggang sa ikatlong set matapos ang walang humpay na opensa ng Pilipinas, na sinuportahan ng mga tulad nina Vanie Gandler at mga bagong dating na sina Leila Cruz at Alleiah Malaluan, ay napatunayang labis para sa Aussies na huminto.

Magkakaroon ng isang araw na pahinga ang nationals bago magsimula ang playoffs sa Huwebes. JC

The post VTV group stage tinapos ng Alas Pilipinas na may 2 wins first appeared on Remate Online.

MANILA, Philippines – Nakatanggap muli ang Navotas City ng unqualified opinion mula sa Commission on Audit (COA), na minarkahan ang ika-10th magkakasunod na taon na nakakuha ang lungsod ng pinakamataas na audit rating na ibinibigay sa mga ahensya ng gobyerno at local government units.

Ang Navotas ang nag-iisang LGU sa Metro Manila na nagpapanatili ng naturang record sa loob ng isang dekada.

Pormal na tinanggap ni Mayor John Rey Tiangco ang 2024 COA report mula kay Venancio Herrera, Supervising Auditor ng Navotas Auditing Unit.

“We thank our constituents for their trust and support. Your confidence continues to inspire us to serve with excellence. Patuloy naming pagbubutihin ang trabaho hindi para sa parangal, kundi para sa kapakanan ng bawat Navoteño,” pahayag niya.

Nagpahayag din ng pasasalamat si Tiangco sa mga empleyado ng pamahalaang lungsod at binigyang-diin ang kahalagahan ng audit rating sa konteksto ng serbisyo publiko.

“Ang unqualified opinion ay nagsasalamin ng tapat at mahusay nating pamamahala. Sa loob ng sampung taon, pinatunayan natin na sa NavLevel Up na Navotas, may disiplina sa paggamit ng pondo at may malasakit sa serbisyo,” aniya.

“Pero hindi ito dahilan para maging kampante. Paalala ito na kailangang mas maging masinop tayo sa paggamit ng pondo, mas mabilis sa pagtugon sa pangangailangan ng mga mamamayan, at mas bukas sa mga makabagong solusyon. Kung gusto nating mapanatili ang tiwala ng taumbayan, kailangang araw-araw nating pinagbubuti ang trabaho natin,” dagdag niya.

Ang unmodified opinion ay nagpapahiwatig na ang financial statements ng lungsod ay ipinakita nang patas sa lahat ng materyal na aspeto, alinsunod sa mga pamantayan at patakaran sa accounting ng pamahalaan.

Ang pagbibigay ng COA report ay kasabay ng pagsasara ng unang termino ni Tiangco bilang alkalde at pagsisimula ng kanyang ikalawang termino. Jojo Rabulan

The post Navotas nakatanggap ng ‘unqualified opinion’ sa COA first appeared on Remate Online.

ISABELA, Philippines – Sa kulungan ang bagsak ng mag-inang Indian National o Bumbay matapos na mahulihan ng peke o hindi rehistradong mantika na nagkakahalaga ng P1.3M sa kanilang imbakan sa Brgy. Patul, Santiago City.

Umaabot sa ang 273 containers ng “Unregistered” cooking oil na tinatayang nagkakahalaga ng mahigit ₱1.3 milyon sa isang matagumpay na operasyon.

Kasunod nito nagbabala ang PNP-CIDG sa publiko hinggil sa pagkalat ng mga hindi rehistradong mantika o cooking oil sa merkado na maaaring makapinsala sa kalusugan.

Nabatid na walang kaukulang lisensya mula sa Food and Drug Administration (FDA) ang mag-ina para magbenta ng nasabing produkto—isang tahasang paglabag sa FDA Act of 2009.

Binigyang-diin ni PBGen. Macapaz, ang mga hindi rehistradong mantika ay hindi dumaan sa tamang pagsusuri, kaya’t may panganib itong idulot sa kalusugan ng mga gumagamit nito. (REY VELASCO)

The post Mag-inang indiano huli sa P1.3M pekeng mantika first appeared on Remate Online.

Manila, Philippines – Noong bata pa ang komedyanang si Kiray Celis ay madalas siyang kunin ng namayapang aktres na si Ate Matutina sa mga fiesta.

P1500 lang ang TF noon ni Kiray sa bawat akyat ng entablado at sa isang gabi ay napagsasabay nito ang dalawang entablado.

Chika pa sa akin ni Ate Matutina, kaya ganoon na lang ang suporta at pagtulong niya kay Kiray ay breadwinner ito sa kanyang pamilya tulad niya.

Hanggang sa sumikat na nga si Kiray bilang komedyana at social media infuencer.

February 2025 ay namayapa si Ate Matu.

In fairness, kasabay ng pagsikat ni Kiray ay siyang pag-angat rin ng kanyang yaman.

Yes, mula sa karinderya na pinagsosyohan nila ng fiance na si Stephan Estopia, ngayon ay isa nang certified milyonarya si Kiray.

At yumaman siya nang husto dahil sa mga ibinebentang beauty products at iba pa sa online.

Afford na nga nitong regaluhan ng kotse ang kanyang nanay.

At tuwing birthday ng kanyang nanay at tatay ay tig-100K naman ang regalo niya sa mga magulang.

Naipagpatayo na rin niya ito ng bahay at meron na rin silang paupahang apartment.

By the way, engaged na pala si Kiray kay Stephan na ilang years na niyang boyfriend.  Peter Ledesma

The post Kiray, certified milyonarya na! first appeared on Remate Online.

MANILA, Philippines – Pinagtibay ng Supreme Court ang parusang ipinataw ng mababang korte sa mga manager ng isang pizza restaurant dahil sa pagbulsa ng mga service charge na dapat sana ay ibinahagi sa kanilang mga kapwa empleyado.

Gayunman, binago ng SC Second division ang hatol at ginawang simple theft na lang sa halip na qualified theft.

Sa Desisyon na isinulat ni Associate Justice Antonio T. Kho, Jr., pinatawan ng Second Division ng Korte ang mga manager ng Shakey’s branch sa Angono, Rizal na sina Janice Teologo at Jennifer Delos Santos ng parusang anim na buwang pagkakakulong at inutusan silang bayaran ang kapwa nila empleyado ng kaukulang parte nila ng service charge kasama ang interes.

Isa sa mga trabaho nina Teologo at Delos Santos bilang manager ay ibigay ang sweldo at bahagi ng service charge ng kanilang mga empleyado.

Taong 2009 nang magsumbong ang mga empleyado ng Shakey’s sa Angono, Rizal sa Big G PhilFoods & Entertainment, Inc. (Big G), may-ari ng nasabing sangay ng Shakey’s, na hindi nila natatanggap ang kanilang bahagi ng service charge.

Dagdag pa nila, kahit wala silang natanggap, napilitan silang pumirma sa mga dokumento ng payroll dahil ayon sa mga manager, patakaran umano ito ng kumpanya.

Una nang hinatulan ng Regional Trial Court at ng Court of Appeals ang mga manager, kabilang ang dalawang hindi pa nahuhuli, ng qualified theft dahil sa kabiguang ipamahagi ang service charge at pag-abuso sa tiwala ng kanilang employer, ang Big G.

Sa ilalim ng Revised Penal Code, ang theft o pagnanakaw ay nangyayari kapag ang isang tao ay kumuha ng isang bagay na pag-aari ng iba nang walang pahintulot, na may layong makinabang mula dito, nang hindi gumagamit ng karahasan o puwersa. Nagiging qualified theft kapag may nasasangkot na pag-abuso sa tiwala o kumpiyansa ng employer.

Sa kasong ito, ibinulsa ng mga manager ang service charge na nakalaan sana para sa kapwa nila empleyado. Ang mga biktima sa kasong ito ay ang mga empleyado at  hindi ang employer. Dahil walang special trust relationship sa pagitan ng mga manager at rank-and-file na manggagawa, walang pang-aabuso sa tiwala o kumpiyansa upang maging qualified ang pagnanakaw. TERESA TAVARES

The post Pizza resto managers, kulong sa pagbulsa ng service charge first appeared on Remate Online.