Manila, Philippines – Sakaling makarating na sa Mataas na Kapulungan ng Kongreso, inihayag ni Senator Christopher Lawrence “Bong” Go na boboto siya, ayon sa kanyang konsensiya, kaugnay ng usapin sa renewal ng prangkisa ng giant network ABS-CBN.

“Once it reaches our office here in the Senate, I will decide. Nasabi ko na ‘yan. Vote according to your conscience,” ani Go na tiniyak na boboto siya pabor sa interes ng nakararaming Filipino.

Kuwestyonable kung makapagpapatuloy pa rin ang ABS-CBN sa ere matapos magsampa si Solicitor General Jose Calida sa Supreme Court ng quo warranto petition laban sa giant network. Ayon sa petisyon, dalawang grave violations ang nilabag sa prangkisa ng ABS-CBN.

“Ito namang pagdinig (sa Senado), maaaring in aid of legislation, marami silang gustong pakinggan, maybe that’s the proper forum na mapakinggan both sides. Pakinggan natin sino gusto magsalita, sino gusto magreklamo… I might also ask some questions,” ani Go.

Nilinaw gayunman ng senador na ang anumang legislative action ukol sa franchise bills ay dapat magsimula sa Lower House, batay sa batas.

“If the Senate decides to start the discussions to look into compliance of ABS-CBN with their existing franchise… or to consider possible extension, I will participate to clear any pressing issues and I can assure the public that I will be fair and impartial,” dagdag niya.

Aniya, nasa kamay pa rin ng Mababang Kapulungan ng Kongreso kung paano sila gagalaw sa Senado sa naturang paksa.

“Franchise renewal, it will emanate from the Lower House so dapat na rin nilang i-tackle ito.  Sa congressmen, just vote according to your conscience, hopefully it is for the interest of the Filipino people,” anang senador.

“Mas lalo natin pinapatagal, mas lalong umiinit ang isyu, pag usapan n’yo. Ito naman ang proseso, pag-usapan nyo, then papadala dito sa Senado (kung pumasa sa House), then the President will decide,” pahayag ni Go.

Samantala, kinuwestyon ni Go ang joint resolution na inihain ni Senate Minority Leader Franklin Drilon na naglalayong i-extend ang prangkisa ng ABS-CBN hanggang sa katapusan ng 2022.

“Bakit joint resolution? Bakit hindi na lang natin aprubahan o disapubahan (ang renewal ng franchise)? Bakit December 31, 2022, meron bang pulitika dito?”

Tiniyak din niya sa publiko na si Pangulong Rodrigo Duterte ay laging parehas at balanse sa kanyang mga nagiging desisyon.

“Ako naman, knowing the President, he is a fair person naman po. Babalansehin n’ya po ang lahat. Hindi siya nakikialam sa gawain ng legislative branch,” aniya.

“Vocal sya sa kanyang sama ng loob pero wala siya inuutos kahit kanino, ako bilang close to him, parati nya sinasabi na vote according to your conscience at unahin ang interes ng Pilipino,” pangwakas ng senador. RNT

The post Giit sa mga mambabatas ukol sa ABS-CBN franchise issue:  ‘Bumoto ayon sa konsensiya’ appeared first on REMATE ONLINE.

Manila, Philippines – Kabilang na sa cleft organization na Smile Train si Miss Universe 2018 Catriona Gray bilang bagong global ambassador nito.

Ibinigay niya kamakailan ang nasa P388,200 na halaga mula sa kanyang “Catriona Gives A Smile” birthday fundraiser, na susuporta sa care treatment ng nasa 30 mga sanggol na ipinanganak na may bingot.

“I have always believed that children deserve every chance in the world to achieve their goals. Through Smile Train-supported cleft treatment, they are given the opportunity to become more confident and live their lives to the fullest,” ani Gray. Remate News Team|MM

The post Catriona Gray, Smile Train global ambassador na! appeared first on REMATE ONLINE.

Manila, Philippines – Kalaboso ang dalawang suspek sa ikinasa ang drug buy bust operation sa Mandaluyong kaninang umaga, Pebrero 20.

Dinamba ang dalawang suspek na kinilalang sina Mark Kenneth San Juan, 23 at Jeffrey Saclao na natimbog ng mga tauhan ng Philippine Drug Enforcement Agency (PDEA) sa pamumuno ni Special Enforcement Service (SES) director, Levi S. Ortiz.

Sa ulat, inaresto ang mga suspek sa harapan ng isang food-chain sa kahabaan ng Guevarra Street sa Barangay Highway Hills.

Nakuha sa kanilang pag-iingat ang 26 na pirasong hiringgila na naglalaman ng “liquid shabu” na may kabuuang dami ng 10.4 milliliter, isang pirasong selyadong transparent plastic sachet na tinatayang nasa dalawang gramo ng shabu na nagkahalaga ng P13,600, isang maliit na bote ng sterile water, isang digital weighting scale, at marked money.

Nakatakda naman samapahan ng kasong paglabag sa Seksyon 5, 11 at 12 Ng Article II ng Republic Act 9165 o Comprehensive Dangerous Drugs Act of 2002. Toto Nabaja

The post 2 huli sa ‘liquid shabu’ sa Mandaluyong appeared first on REMATE ONLINE.

Manila, Philippines – Pasado na sa ikalawang pagbasa ang House Bill 1338, ang panukalang nagsusulong na gawing 10 araw ang service incentive leave ng mga manggagawa mula sa dating 5 araw.

Sa oras na maisabatas, aamyendahan ng panukala ang Article 95 ng Labor Code at ang ang bawat manggagawa na nakapagserbisyo na ng 1 taon ay maaari nang mabigyan ng paid leave na hanggang 10 araw.

Hindi naman nito sakop ang mga kumpanya na mayroon nang ganitong benepisyo para sa kanilang mga kawani gayundin ang mga establishimento na mababa lamang sa 10 ang mga empleyado.

Ayon kay Baguio City Rep. Mark Go mahalaga ang insentibo na ito para sa mga manggagawa dahil nakatutulong ang pahinga para mapagbuti pa nila ang kanilang trabaho.

“Increasing the number of paid leaves improves employee morale and boosts productivity”pahayag ni Go. Gail Mendoza

The post Panukala para sa dagdag na paid leave sa mga manggagawa, lusot sa ikalawang pagbasa sa Kamara appeared first on REMATE ONLINE.

Manila, Philippines – Nag-inspeksyon ang  Department of Trade and Industry (DTI)  sa mga tindahan mg medical supplies sa Bambang Street, Maynila.

Layon ng nasabing inspeksyon na alamin kung sapat ang suplay ng face mask  gayundin upang malaman ang presyuhan nito.

Pinangunahan ni DTI Usec. Ruth Castelo ang monitoring kung saan napag-alaman na marami pa rin sa mga tindahan ng medical supplies ang walang tindang N95 at surgical mask.

Binigyan naman ng notice of violation ang CCM medhealth company at JKOS medical supplies and equipment na dati na din nabigyan ng notice ng DTI dahil sa overprice sa pagbebenta ng N95 mask.

Ito ay dahil sa mataas nilang bentahan ng mask na mula sa P105.00 lang na suggested retail price ng M95 mask ay umaabot sa P135.00 at P160.00 ang kanilang bentahan.

Dahil dito, planong irekomenda ng DTI sa lokal government unit na i-revoke o suspidinhin na ang mga business permit ng mga tindahan na nakakarami na ng notice of violation. Jocelyn Tabangcura-Domenden

The post Ilang tindahan ng med supplies, huli pa ring nagbebenta ng mahal na face mask appeared first on REMATE ONLINE.

Manila, Philippines – Pinangalanan na ng isang opisyal ngayong Huwebes ang mga tauhan ng Bureau of Immigration na dawit sa “pastillas” bribery scheme kung saan madaling makakapasok sa bansa ang mga Tsinong nagtatrabaho sa Philippines offshore gaming operations (POGO).

Nilahad ni Allison Chiong, Immigration Officer 1 sa Senate Committee on Women, Children, Family Relatiuons and Gender Equality na siya ang pinanggalingan ng video kung saan ipinapakita ang mga naturang opisyal na siyang nangangasiwa sa immigration process ng mga Chinese na POGO workers sa NAIA.

Pinangalanan ni Chiong ang kasalukuyan at dating opisyal ng immigration na may kaugnayan sa suhulan na sina Traffic Control Enforcement Unit officers Bien Guevarra, Glenn Comia at Den Binsol.

Sinabi ni Chiong na nasa ilalim ni dating Ports Operation Division chief Red Mariñas ang mga opisyal.

Pagsisiwalata pa ni Chiong, pinangungunahan ng iba pang grupo sa scheme ang iba pang personalidad sa loob ng BI na sina Totoy Magbuhos, Deon Albao alyas Nancy, Paul Borja alyas Lisa, Anthony Lopez alyas AL, at Dennis Robles DR.

Sa kasalukuyan, aniya, 10 porsyento lamang ng immigration officers ang hindi kabilang sa “pastillas scheme”.

“Ten percent na lang ang hindi kasama sa modus,” pahayag ni Chiong.

Nauna nitong araw, sinibak sa pwesto ni Pangulong Rodrigo Duterte ang mga opisyal at empleyado ng immigration na hinihinalang may kaugnayan sa scheme kung saan dadalhin ang mga Chinese nationals sa immigration process kapalit ng libo-libong halaga kada isa.

Pahayag naman ni Presidential spokesperson Salvador Panelo, nagawa ng Pangulo ang desisyon matapos itong makatanggap ng ulat tungkol sa hinihinalang money-making scheme. Hindi naman pinangalanan ni Panelo ang mga opisyal at empleyado.

Sa kanyang affidavit na binasa sa kasagsagan ng hearing, sinabi ni Chiong na bilang front line immigration officer na naka-assign sa Ninoy Aquino International Airport, personal niyang nasasaksihan ang iba’t ibang iligal na transaksyon sa loob ng ilang taon kabilang ang extortion ng pera.

Aniya, dahil sa pagtanggal ng DOJ sa overtime pay ng mga immigration officers noong 2012, nagresulta ito sa “unrest and disgruntlement” sa workforce ng immigration workforce. Ito umano ang naging simula ng pag-aalok ng VIP services.

“To cope with the substantial deduction of their salaries, some immigration officers decided to officer VIP services for immigrants who are casino high-rollers. This VIP service involved immigration officers accepting P2,000 for each high rollers in exchange for the latter’s convenient and seamless immigration,” pahayag ni Chiong.

Sinabi niyang sina Guevarra, Comia, at Binsol ang nanguna sa operasyon.

“They took control of the collections from entering and departing passengers then disbursed commissions at the end of every week,” giit nito.

Noong 2017, napansin niya umano ang pagdami ng mga Chinese nationals na pumapasok sa bansa kung saan nasa 2,000 kada araw ang bilang ng mga ito.

Sa pamamagitan umano ng Viber, natatanggap ng mga immigration officers ang listahan ng mga pangalan ng mga Chinese na papayagang makapasok sa bansa nang hindi sumasailalim sa karaniwang proseso ng immigration.

“These Chinese nationals were no longer required to undergo screening, they were simply let inside the Philippines without question or investigation,” sabi pa ni Chiong.

“Para sa Chinese, hahanapan ‘yan ng return ticketl second, ‘yung hotel booking or place to stay; third, ‘yung itinerary; fourth, proof of financial capacity,” dagdag pa niya.

Binura na umano ang naturang Viber group nang imbestigahan ng NBI ang airport operations ng Bureau of Immigration.

“To avoid detection, the names of the Chinese nationals who were to be allowed VIP treatment were no longer sent through Viber. To circumvent this, the flow of operations changed: the immigration officers at the counter were asked to bring each Chinese national to the holding area of TCEU and a member of the TCEU would then check the name with the master list,” aniya.

Ayon pa kay Chiong, nagsanhi ng inconvenience sa mga immigration officers ang bagong scheme dahil kailangan nilang tumayo, iwan ang kanilang mga upuan at samahan ang mga dumadating na Chinese sa holding area araw-araw.

Nagsimula na rin umanong magsumite ng kanilang sariling listahan na naglalaman ng mga pangalan ng Chinese nationals ang ibang sindikatong grupo sa loob ng BI.

“These groups worked with travel agencies in China, being the origin of the names of the entering foreign nationals. The syndicate would often compete with each other to gain favor from the Chinese travel agencies,” payahag nito.

“They occupy various plantilla positions within the Burea. Gueverra, Comia, and Binsol, despite being no longer with the Bureau, still maintain their syndicate group’s operations,” dagdag pa niya.

Sinabi pa ni Chiong na napansin niya rin na maaaring makapasok sa bansa ang mga Chinese nationals na pasok sa profile ng isang empleyado para sa POGO sa pamamagitan ng tourist visa na in-apply sa mga konsulado ng bansa.

Makakatanggap umano ng P20,000 kada linggo ang bawat isang cooperating immigration officer para sa NAIA Terminal 1 at P8,000 kada linggo sa Terminal 3 duties. Remate News Team|MM

The post Immigration execs na dawit sa ‘pastillas scheme’, pinangalanan ng isang opisyal appeared first on REMATE ONLINE.

Manila, Philippines – Binato ng kamatis ng grupong League of Parents of the Philippines ( LPP ) ang effigy nina Netherlands Ambassador Saska De Lang at ang teroristang leader na si Joma Sison sa harap ng tanggapan ng Dutch Embassy sa Paseo De Roxas St., Makati. Mariing ipinanawagan ng grupo sa the Netherlands na bawiin na ang pagkanlong kay Sison. Kuha ni Jhun Mabanag

The post Pagkanlong ng Netherlands kay Sison, pinababawi ng mga grupo ng magulang appeared first on REMATE ONLINE.

Ilocos Sur – Arestado ang driver ng isang Aluminum Wing Van at ang dalawa nitong helper matapos na mabigong makalusot sa checkpoint sa Brgy. Ayundante, Candon City, ang kanilang sasakyan na may karga-kargang labing-apat na live pigs at dalawang container na puno ng karne ng baboy.

Kinilala ng Candon City Police ang driver na si Edgar Atiagan  dela Cruz, 49, may asawa, residente ng Brgy. Ayusan Norte, Vigan City, habang ang dalawang helper nito ay sina Mark Bryan Piedad Y Sales, 18, binata, residente ng Brgy. Ora West, Bantay, Ilocos Sur  at Rafael Santos y Placido, 21, binata, tubong-Brgy. Upig, San Ildefonso, Bulacan pero residente na ng San Julian Sur, Vigan City.

Nabatid na nang parahin ng mga naka-duty sa checkpoint ang naturang sasakyan at hanapan ng shipping permit para sa mga karga nilang baboy ay walang maipakita ang tatlo.

Mahigpit na ipinapatupad ngayon sa lalawigan ng Ilocos Sur ang pansamantalang pagpigil sa pagpasok ng mga live pigs at mga karne ng baboy na galing sa ibang lugar na walang mga kaukulang dokumento para mabantayan ang probinsiya laban sa African Swine Fever (ASF).

Ang tatlo ay nasa kustodya ngayon ng Candon City Police Station. Rolando S. Gamoso

The post Hindi nakalusot sa checkpoint ang mga kargang baboy: Driver, 2 helper arestado  appeared first on REMATE ONLINE.

Davao Occidental, Philippines – Niyanig ng magnitude 5.4 na lindol ang munisipalidad ng Jose Abad Santos sa Davao Occidental nitong Huwebes, ayon sa Philippine Institute of Volcanology and Seismology (PHIVOLCS).

Naganap ang naturang pagyanig bandang 5:54 ng hapon.

May lalim na 190 kilometro ang lindol.

Naiulat naman ang Intensity I sa Tampakan, South Cotabato; Intensity II sa Maasin at Malapatan, Sarangani; Davao City; Intensity III naman sa General Santos City; Tupi at Polomolok, South Cotabato; Alabel, Saranggani. Remate News Team|MM

The post M5.4 na lindol, yumanig sa DavOcc appeared first on REMATE ONLINE.

TINIYAK nina Mayor Toby Tiangco at Congressman John Rey Tiangco sa publiko na nananatiling ligtas ang Navotas mula sa Coronavirus Disease 2019 (COVID-19).

“Walang kumpirmadong kaso ng COVID-19 sa ating lungsod. Ang Task Force COVID-19, na pinangungunahan ng ating City Health Office, ang namumuno sa pagtugon dito. Mamuhay po tayo nang normal pero mag-ingat at protektahan ang sarili laban sa sakit na ito,” anila.

Itinalaga ng pamahalaang lungsod ang 8281-1111 bilang hotline para sa anomang tanong o paglilinaw sa sakit. Sa mga walang landline, maaari silang magpadala ng mensahe sa Text JRT (Johnrey or Toby).

Dagdag nila, may nakahandang mga triage area sa Navotas City Hospital at sa 11 health center para sa mga residente na posibleng may sakit at sasailalim sa pangunang pagsusuri.

“Iwasang magpalaganap ng mga espekulasyon dahil nagdudulot lang ito ng pagkabahala at pagkalito. Ibahagi ang impormasyon na galing lang sa mga awtorisadong source tulad ng Department of Health, Navoteño Ako, at ang Facebook fanpage ko o ni Cong. John Rey Tiangco,” ani Mayor Toby.

Samantala, kinumpirma ni City Health Officer Christian Padolina na mula February 3-12, may 16 persons under monitoring ang Navotas, tatlo rito ay nag-negatibo.

Ang PUM ay bumisita sa China o nagkaroon ng contact sa kumpirmadong may COVID-19 ngunit hindi nagpapakita ng mga sintomas. Sila ay pinapayuhang sumailalim sa 14 na araw ng self-quarantine.

“Parating maghugas ng mga kamay, sundin ang wastong paraan ng pag-ubo, iwasan ang mga taong may sakit, at siguraduhing naluto nang mabuti ang kakaining isda at karne. Maaari rin nating palakasin ang ating immune system sa pamamagitan ng pag-inom ng maraming tubig, pagkaroon ng sapat na tulog, at pag-inom ng vitamins,” ayon sa kanila.

Libreng civil wedding

May 36 na magsing-irog na Navoteño ang ikinasal sa libreng civil wedding na inihandog ng Navotas. Ang Kasalang Bayan, na regular na isinasagawa tuwing Araw ng mga Puso at anibersaryo ng pagiging lungsod ng Navotas, ay naghahangad na gawing legal ang pagsasama ng mga mag-partner.

“Karamihan sa inyo ay nagsasama na ng higit limang taon. Anoman ang sikreto n’yo para mapanatili ang inyong relasyon, ingatan n’yo. Nawa mas mapagtitibay at mas mapasasaya ng seremonyas na ito ang inyong samahan,” saad ni Mayor Toby.

Sinabi ni JRT sa mga bagong kasal na may mga serbisyo at programa ang pamahalaan na makatutulong para magkaroon ng maayos na buhay ang kanilang pamilya.

The post NAVOTAS COVID-19-FREE PA RIN TIANGCO BROS. appeared first on REMATE ONLINE.

Para sa balanse at patas na pamamahayag ay bigyan po natin ng daan sa espasyong ito ang isang liham na galing sa Desierto&Desierto Law Firm na abogado ng Stradcom Corporation, na minsan nating natalakay sa espasyong ito.

Kaugnay na rin ito ng pakiusap ni Bb. Lydia Bueno, Editor-in-Chief, na ilabas ang panig ng Stradcom para pa rin sa patas na pamamamahayag.

Basahin po natin ang kanilang liham.

Re: February 07 , 2020 Article “Stradcom, Nakabalik sa LTO”

Dear Mr. Magalona.

Our client, Stradcom Corporation, has brought to our attention the above-captioned articles which were published in the 07 Feb. 2020 issue of Remate.

In said article, you wrongly accused our client of providing poor service to the Land Transportation Office (LTO) and engaging the services of fixers at the said government agency.

You also insinuated that our client bribed official in order to be able to return to the LTO.

Your allegation and insinuations are completely unfounded, malicious and have caused damage to the good will and reputationof our client.

Your act of authoring the said article is punishable under Articles 353 of the Revised Penal Code in relation to Section 4 (c) of RA 10175 otherwise known as the Cybercrime Prevention Act of 2012.

We therfore demand that you refrain from making malicious imputations to our client in the future.

Let this be a sternwarning that a repition will not be tolerated such that case(s) wil be filed against you in order to protect and defend of our client.

Anomang puna o reklamo i-text sa 09189274764, 09266719269 o i-email sa juandesabog@yahoo.com o juandesabog48@gmail.com.

The post LIHAM NG PAGTUTUWID NG STRADCOM appeared first on REMATE ONLINE.

Tayo nang mamasyal muna. Minsan ko nang narating ang pinakamalaking isla ng South Korea, ang Jeju. Ito ang paborito ring pasyalan ng mga Koreano at turista.

Nakarating ako roon para sa isang pag-aaral. Gusto kong ibahagi sa inyo ang mga nasaksihan at napag-aralan ko sa Jeju island.

Maraming magandang beach sa Jeju. May mga hotel sa tabing dagat, luntian na probinsya, sikat siya na pahingahan at bakasyunan at sa masarap na pagkain. Ito ang Boracay ng South Korea.

Marami rin siyang mga kweba, water fall, white-sand beach at isang sinasabing tulog na bulkan na nasa sentro ng isla at ito rin ang pinakamataas na bundok sa bansa.

Kalat din ang mga museo, tindahan, park at night market. Dinaragsa ang Jeju island tuwing summer, kaya naman ibait ibang festival at mga concert ang nakalaan para sa mga turista.

May tatlong element ang kumakatawan sa Jeju – mga bato, ang hangin at ang mga “haenyeo” o mga babaeng sumisisid (women divers). Gamit ng mga taga-Jeju ang mga bato para gawing dingding at pangharang sa malalakas na hangin.

Ang kilalang “Dolharubang” na simbolo ng Jeju ay isang batong estatwa na gawa sa batong basalt. Mga diyos-diyosan ang mg ito, na pinaniniwalaang taga-bantay ng isla. Parang mga anito natin sa Cordillera. Ang hangin naman ang naghihikayat sa mga surfer na puntahan ang Jeju. Sikat na sikat ang surfing sa isla.

At ang mga “haenyeo” ang pinaka-interesting. Ang direktang kahulugan ng salita ay “babaeng taga-dagat” o “sea woman.”

Sila ay maninisid o divers sa dagat para kumuha ng mga isda, seaweed at iba pang laman-dagat para kainin. Sobrang galling nilang sumisid, kaya nilang kontrolin at pigilan nang matagal ang paghinga sa ilalim ng dagat.

Simpleng mga kagamitan lang ang dala nila sa pagsisid – kutsilyo, asarol, karit, lambat, diving mask at snorkel. Pero ang sikreto, ang kanilang matagalang paghinga sa ilalim at ang pakiramdam nila kung saan makukuha ang mga lamang-dagat. Habang sumisid, meron silang kakaibang tunog na kayang gawin na tinatawag na “sumbi-sori”, o kakaibang paghinga, at ganito sila bumati sa isa’t isa sa ilalim ng dagat.

Noong 2016, kinilala ng UNESCO ang mga “haenyeo” bilang natatanging pamana ng kultura (invaluable cultural heritage), dahil sa ambag nito na itaguyod ang kagalingan ng mga kababaihan at pagsulong sa makakalikasang paraan ng pangingisda.

Tama ang estilo nilang ito sa pangingisda dahil hindi nauubos ang mga lamang-dagat.

Ang Jeju Island ay isa ring “geopark”, kasama siya sa listahan ng UNESCO na Global Geoparks Network. Ang isang geopark ay mahalagang lugar dahi sa kasaysayan, archeologica at ecological o lugar ng kalikasan at kultura. Malaki kasi ang pwedengpapel ng isang geopark para gamitin sa agham at isabay na rin ang turismo para naman magkatrabaho ang mga nakatira sa lugar na yon.

Ang “geoparks” ay bahagi ng UNESCO World Heritage system. Marami rin tayong ganitong lugar sa Pilipinas katulad ng Ifugao Rice Terraces, Intramuros, Sagada mountains, at Palawan.

Sigurado ako na hindi mapipigilan ng Covid-19 ang sigla at saya ng turismo, kultura at kalikasan sa makasaysayang isla ng Jeju.

The post BATO, HANGIN AT HAENYEO: MGA ALINDOG NG JEJU appeared first on REMATE ONLINE.

Manila, Philippines – Inaasahan na umano ni Manila Mayor Francisco ‘Isko Moreno’ Domagoso na bagsak ang Manila na makamit o maabot ang good financial housekeeping standards ng Department of Interior and Local Government (DILG).

“This was already expected. The DILG told us this is due to the past administration’s failure to comply with full disclosure of financial documents in‌ 2018 and first quarter of 2019,” ayon sa pahayag ni Domagoso.

Ayon kay Domagoso, ito aniya ang pagkakataon na pagbutihin o paghusayan pa at hindi siya papayag sa ganitong pagganap sa ilalim ng kanyang panunungkulan.

“I have already convened the local finance committee for us to work and fix the past administration’s mess”, ayon pa sa alkalde.

Nagpasalamat naman ang alkalde sa lahat ng mga nagmamalasakit sa lungsod ng Maynila.

Kasabay nito, nangako ang alkalde na pagbubutihin pa ng pamahalaang lungsod sa ilalim ng kanyang administrasyon. Jocelyn Tabangcura-Domenden

The post Isko, inaasahan na ang ‘di pagkamit ng Maynila sa good financial housekeeping standards ng DILG appeared first on REMATE ONLINE.

MAKARAANG mahayag sa isang pahayagan na nasa 70,000 estudyante sa Kabikulan ang hindi gaanong marunong magbasa sa English at Pilipino, nagkahiyaan na at meron nang nag-aaway-away kung totoo o hindi ang balita.

Ayon sa DepEd Bicol na pinamumunuan ni Director Gilbert Sadsad, mali umano ang sarbey na ginawa dahil inilarawan na magkakaiba ang mga sinarbey saka pinagsama sa bilang samantalang parehong mga estudyante ang mga sinarbey.

Paliwanag ni Sadsad, may 1.6 milyon ang mag-aaral sa rehiyon at lumiit na bilang ng “struggling readers” sa 20,587 bata mula sa Grade 4 hanggang Grade 6 na kumuha ng English test at 18,143 naman sa Grade 3 hanggang Grade 6 na kumuha ng Filipino test sa parehong mga eskwela at hindi hiwa-hiwalay.

Pero kung tutuusin, masama pa rin ang kalagayan ng edukasyon, libo pa rin sa rekord ng Kabikulan ang hirap magbasa, dahil hindi lang naman sa Kabikulan nagaganap ito kundi sa iba pang mga rehiyon gaya ng Cagayan Valley.

PITAK NG MGA GURO

Nagbukas ang ating pahayagan ng espasyo para sa ating mga guro na tinatakan natin ng PITAK NG MGA GURO.

Marami nang guro ang nagsulat sa korner na ito at kabilang dito ang mga principal na isa sa kanila ang nagsabing nagtayo sila ng ispesyal na klase para sa “KINDER IN HIGH SCHOOL.”

Ginawa nila ito dahil pagpasok sa eskwela nila ang mga galing ng Grade 6 mula sa public elementary schools, nahihirapan din silang umusad para sa pag-aaral sa high school curriculum dahil halo-halo na ang maraming parang kinder lang ang kakayahan na estudyante.

Hindi nakapagtatakang pagdating sa international examinations, kulelat, pangalawa sa huli ang mga estudyante natin.

SAKTONG KARANASAN

Heto at ilalabas ng ULTIMATUM ang palitan ng karanasan at kuro-kuro ng mga titser, magulang at kapitan sa Cagayan ngunit sa orihinal na lengguwahe nila, Ilokano may halong Taglish.

Kasama rito ang isang Doctor of Philosophy na dean ng Cagayan State University, Doctor of Philosophy na high school principal sa isang bayan, Master in Education ng high school, ilang guro, kasama ang isang private school teacher, isang kapitan ng barangay na law graduate, isang municipal development specialist at mga magulang.

Para sa mga makababasa nito na hindi nakaiintindi ng Ilokano, magandang kumuha kayo ng interpreter.

Ngunit ang tiyak natin, mayaman ang palitan ng karanasan at kuro-kurong ito para gawing isang basehan ng DepEd ng mga hakbang para sa pagbabago at epektibong edukasyon.

KARANASAN AT KURO-KURO

Ang hiniling natin sa kanila, magbigay sila ng sampol ng performance ng special class na tinawag nilang “KINDER IN HIGH SCHOOL” nA binuo ng mga guro sa high school dahil hanggang pangalan lang ang alam na isulat at basahin ng mga Grade 6 na pumasok sa kanilang school.

Heto na ang kanilang palitan ng mga kaalaman, karanasan, ideya, kritisismo, mungkahi at iba pa.

HS PRINCIPAL

Kaya nga nagtayo tayo ng Kinder in High School, isang special class para sa Grades 7 at 8, dahil walang alam sa alpabeto at lalong walang alam sa English at Pilipino.

MASTER

Babebibobu kuma. Ammo da nga i-recite, ngem nu ipaytudum nu ayan na ti bu, saan da magulpe…meaning, memoriado da lang abcde, ammo da i-recite ngem adda kaniada jay saan da maitudu nu ayan na ti F kuma. Kasjay.

Agited kau man nagan ti fruit agrugi ti R. Answer jay ubing, ARUSIP.

Saan da ammo multiplication table. Nu ag-form wenno agbasa ti words kuma nga 3-letter syllable, dida ammo. Example fly, blurry, crane awan, saan da ammo ti kastan.

Masapul, BULI. Kasta pay lang ammo da. Dayta car, narigat pay. Kasi English. Tagalog, marigatan da, mas lalo English.

Ta ibagbagak a ket tay literal a panagbasa pay lang a. Awan pay nayun na a COMPREHENSION, nakarkarun.

Adda da makabasa iti regular classes, ngem nababa compre level da, lalo nu critical or analytical thinking, nalpas.

Generally, ti level ti comprehension da, KNOWLEDGE level. Nu ipa-explain mun, ipa-relate iti biag kasjay, marigatan da. Lalo na sa English.

Ngem nu Pilipino, kaya da ti kritikal level. Ngem English, kawawa sila. Kasi language barrier garud. Saan da maaw-awatan jay basbasaen da.

So, adda met point dagijay critics jay international a pa-test idi a 2nd to the last ti Pinas. Pudno a ta jay reading comprehension passages da ket in English.

Syempre saan da met maawatan jay binasa da. Kasanu da i-analyze samantalang jay China, Chinese kanu lenggua de pataranta ti nausar. Di garud nagngato da.

MAGULANG

Uray idi elementary tayo ket kaaduanna met ti memorize. Ti actual ket haantay unay maawatan. Ngem 1st honor kada 2nd honor latta met.

Ngem ni kapitan ti kalaingan idi batch na, sigurado dayta.

MASTER

At least, pwersado tau idi nga agbasa kasi memoriado tau dapat. That way, adda met bassit retention ti adal.

KAPITAN

Nakarkarun nu nateng ti pagpapatangan! Mangrugi ti letter L nga nateng kunam ket adda dida mapugtuan- tay gulay nga LEPORYO!!!

MASTER

Ngem tatta awanen ta rote knowledge gamin. Application kayat ti DepEd. Su ta ti ubbing awanen practice da ag-memorize. Uray jay basic lang a panag-memorize, awanen mental practice da

KAPITAN
True a

The post HS KINDER SA CAGAYAN; KABISOTE SA KABIKULAN appeared first on REMATE ONLINE.

Manila, Philippines – Pumanaw ang kinikilalang ‘Prince of Tagalog Poets’ noong taong 1862 na si Francisco Baltazar na may malaking impluwensya sa Literaturang Filipino.

Ipinanganak si Baltazar noong April 2, 1788 sa Bigaa, Bulacan, Baltazar na kilala sa pangalang ‘Francisco Balagtas.’

Si Balagtas ang siyang sumulat ng Florante at Laura na ikinokonsiderang obramaestra sa Literatura ng Pilipinas.

Naging mentor niya sa pagsulat si Jose de la Cruz o mas tanyag sa tawag na Huseng Sisiw.

Buhat rin sa kanyang pangalan ang ‘Balagtasan’. Remate News Team/FGDC

The post kNOW!edge | Kamatayan ng ‘Prince of Tagalog Poets’ na si Francisco Baltazar appeared first on REMATE ONLINE.

Seoul, South Korea – Inilarawan ng mga residente ng isang siyudad sa South Korea sa gitna ng outbreak ng coronavirus bilang mga kalsada at tindahang walang katao-tao at higit na pangamba sa pagtaas ng kumpirmadong kaso ng sakit.

Sa ngayon, tila, wala nang tao sa mga mall, restaurants at mga kalsada sa Daegu, ika-apat na pinakamalaking siyudad na may populasyon na 2.5 milyon, kung saan inihahalintulad ng mga residente at netizens sa mga disaster movie.

“It’s like someone dropped a bomb in the middle of the city. It looks like a zombie apocalypse,” ayon sa 28-anyos na si Kim Geun-woo.

“Even Dongseong-ro Street – the most crowded center of the city – is empty,” dagdag pa niya at sinabing sinubukan niyang bumili ng surgical masks ngunit sarado na ang mga tindahan.

Naiulat ng Centres for Disease Control and Prevention (KCDC) ng Korea ang 53 na bagong kaso ng virus ngayong araw ng Huwebes, kasunod ng 20 naitala pa, dahilan para pumalo sa 104 ang bilang ng mga may kumpirmadong kaso ng COVID-19.

Sa national tally na iyon, 70 na pasyente ang mula sa Daehu o sa kalapit na lugar. Karamihan sa mga ito ang naiugnay sa 61-anyos na matandang babae na kinilala bilang “Patient 31” na nagpunta sa simbahan kung saab inilarawan ito ng KCDC bilang “super-spreading event”.

Naiulat na rin sa South Korea ang unang nasawing pasyente sa COVID-19 kahit na iniimbestigahan pa sa mgayon ang eksaktong dahilan ng kanyang pagpanaw.

Kabilang ang lalaki sa 13 kataong nasa ospital malapit sa Daegu na nagpositibo sa virus. Sinabi ng mga health officials na iniimbestigahan nila kung mayroong kaugnayan sa pagitan ng outbreak sa simbahan at sa ospital.

Maaaring pansamantalang isara ang ospital at nasa 600 na staff at pasyente ang susuriin para sa virus, ayon sa ulat ng Yonhap news agency.

Sarado na rin ang ilang malalaking department store, kabilang ang isa sa Seoul, kung saan naiulat na binisita ito ng Patient 31.

Sinabi ni Daegu Mayor Kwon Young-jin sa mga residente na manatili sa loob ng kanilang mga tahanan.

“We are in an unprecedented crisis,” aniya sa isang briefing sa siyudad.

Nagbabala si Kwon na nasa higit 90 pa ng 1,000 iba pa na nagpunta sa Temple of the Tabernacle of the Testimony ang nakitaan din ng sintomas.

“We plan to test all believers of that church and have asked them to stay at home isolated from their families,” ani Kwon.

Tinawag namang “very grave” ang sitwasyon ni vice health minister Kim Kang-lip sa isang hiwalang na briefing sa Sejong.

Iniutos na rin ng mga awtoridad sa Daegu ang pagpapasara sa lahat ng kindergarten, habang ipagpapaliban naman ang pagsisimula ng spring semester na naka-schedule sa Marso ng isang linggo “in an unprecedented move”, ayon sa Yonhap.

Bukod pa dito, isinara na rin ng Shincheonji ang simabahan nito sa Daegu at sinabihang gawin na lamang sa online o mag-isa sa bahay ang mga naturang services. Ulat mula sa Reuters

The post COVID-19 umatake sa SoKor; Ospital, simbahan sinara appeared first on REMATE ONLINE.

Manila, Philippines – Makaaapekto sa bahagi ng Luzon at Visayas ngayong araw ng Biyernes, ayon sa PAGASA.

Iiral ang Amihan sa Cagayan Valley, the Bicol Region, Eastern Visayas, Aurora, Quezon, Oriental Mindoro, Marinduque, Romblon, at Panay Island na magdadala ng bahagyang pag-ulan at maulap na panahon.

Maging ang Metro Manila at nalalabing bahagi ng Luzon at Visayas ay makararanas din ng panaka-nakang pag-ulan dahil sa Amihan.

Samantala, mananaig naman sa Mindanao ang localized thunderstorm na magdudulot ng pag-ulan at maulap na kalangitan.

Habang nagbabala na rin ang PAGASA sa posibilidad ng pagbaha o pagguho ng lupa sa kasagsagan ng buhos ng ulan. Remate News Team/FGDC

The post Hanging Amihan, iiral sa Luzon, Visayas appeared first on REMATE ONLINE.

Manila, Philippines — Ilalabas na ang resulta ng pag-aaral ng K-12 basic education program sa susunod na buwan, ayon sa Department of Education.

Ito ang kinumpirma ni DepEd Undersecretary for curriculum and instruction Diosdado San Antonio sa isang panayam.

Ipautupad din aniya ang transition curriculum sa susunod na school year na magsisimula sa buwan ng Hunyo.

Samantala, ayon kay Education Secretary Leonor Briones, pinanatili naman ng DepEd ang pagsali sa mga international assessments para makita ang tunay na siwasyon ng sistema ng edukasyon sa bansa..

“If we introduce reforms, it will not necessarily be because we want to raise our rankings in PISA, it is because we care about the future of our 27.2 million learners and the future of this country,” aniya.

“We should not fall into a trap of implementing special programs in order to rank highly,” dagdag pa nito. Remate News Team/FGDC

The post Resulta ng K-12 review, ilalabas ng DepEd sa susunod na buwan appeared first on REMATE ONLINE.

Manila, Philippines – Dapat umanong isulong ng Department of Tourism ang reusable bags sa gaganaping month-long sale sa mga mall sa buong bansa sa susunod na buwan, ayon sa environmental watchdog Ecowaste Coalition.

“With the well-being of Mother Nature in mind, the department’s promotional campaign should give due emphasis to the environmental benefits of reusable bags that will encourage more shoppers, locals and foreigners, into proudly bringing their own bags whenever they shop,” pahayag ni Zero Waste Campaigner Jove Benosa.

“The use of bayong and other hand-woven bags made of native materials such as palm, pandan and water hyacinth, as well as DIY (do it yourself) tote bags from old clothes, katsa and fabric scraps, should be actively promoted and supported,” dagdag pa niya.

Binigyang-diin ni Benosa na makakatulong ang paggamit ng mga sustainable bags sa pamimili at mababawasan din nito ang lumalaking problema sa plastic ng bansa.

Aniya, magandang panghihikayat din ang pagbibigay ng incentives sa mga mamimiling magdadala ng eco-bags.

Nakipagtulungan na ang DOT sa iba’t ibang mall sa bansa para sa patuloy na pagsasagawa ng nationwide sale sa susunod na buwan. Layunin nitong makakuha ng mas maraming turista sa bansa.

Bukod sa single-use plastics, hinimok din ng EcoWaste Coalition ang DOT na hikayatin ang mga nasa food industry na ipakilala ang reusable tableware sa kanilang dining services. Remate News Team|MM

The post DOT, dapat isulong ang reusable bags sa malls sale sa Marso: Ecowaste group appeared first on REMATE ONLINE.

Manila, Philippines – Naglaan ang pamahalaang lungsod ng Maynila ng pondo para sa taong 2020 para sa Peace and Order Council.

Ayon kay Manila Mayor Francisco ‘Isko Moreno’ Domagoso, umaabot sa halos P40 milyon ang ilalaang pondo matapos mapag-usapan sa isang meeting kasama ang iba pang opisyal ng Manila City Hall.

Kabilang sa makikinabang sa pondo ang Bureau of Jail Management and Penelogy, Alternative Learning System Program na lalaanan ng P20 milyon.
Ito ay gagamitin para pakainin ang mga batang napapaloob sa kanilang programa.

Ayon kay Moreno, nais ng pamahalaang lungsod na tatlong beses sa isang araw mapakain bukod pa sa programang Nutribun.

Para naman sa Bureau of Jail Management and Penelogy, Manila Department of Social Welfare, at Manila Police District ay naglaan ng P12 milyon na gagamitin naman sa pambili ng dalawang “customized vehicles.”

Nais ng alkalde na maging disenyo ng kanilang mga sasakyan ay angkop sa kanilang bureau at departamento.

Mayroon naman P6 milyon ang Peace and Order Council bilang karagdagang halaga para mamaintain ang kaayusan at katahimikan sa lungsod kung saan gagamitin ang nasabing halaga sa pambili ng mga computer.

Habang may P450,000 naman ang Philippine Drug Enforcement and Agency na para naman sa allowamce ng 15 opisyal ng ahensya.
Ito ay nagkakahalaga ng 2,500 kada buwan.

Inutusan naman ng alkalde ang Manila District Traffic Enforcement Unit (MTEU) na bumili ng 20 piraso ng Japanese brand motorbikes.

‘Nais ko po sana na motor pa lang, pang pulis na!’ ayon pa kay Domagoso. Jocelyn Tabangcura-Domenden

The post Pondo para sa 2020 Peace and Order Council, inilaan na ni Isko appeared first on REMATE ONLINE.