TODAS ang isang retiradong pulis makaraang barilin ng mismong anak nito sa Dipaculao, Aurora, alas-10:00 Huwebes ng gabi.
Nabatid na binaril ang biktima na si Tito Cuiben, 48-anyos, ng sariling anak na si Jerwin, 19, dahil umano sa madalas nitong pananakit sa misis nito na ina ng suspek.
Sa salaysay ng mga kapitbahay, mabait na anak si Jerwin at napilitan lamang nitong barilin ang ama nang muling bugbugin ang ina dahil lasing ito.
Nagtamo ng bala ng baril sa leeg ang biktima na agad nitong ikinasawi.
Agad namang sumuko sa mga awtoridad ang suspek na nahaharap sa kasong parricide.
The post Retiradong parak binoga ng anak, tigbak appeared first on Remate.