Manila, Philippines – Isang babae na bumyahe sa Pilipinas ang nagpositibo sa coronavirus disease sa Australia, kinumpirma ng Australian Embassy ngayong Huwebes, Marso 5.

Napag-alaman na nasa 60-anyos na ang babae na bumalik sa southeastern state ng New South Wales mula Pilipinas nitong Marso 3.

Kabilang siya sa isa sa anim na bagong kumpirmadong kaso ng COVID-19 sa Sydney, dagdag pa ng local government.

“Her travel details are being obtained and will be disclosed if she posed a risk to any other passengers on her flight,” ayon sa statement na nakapost sa NSW government website.

Sa kabuuan ay mayroon nang 22 kaso ng virus sa New South Wales. Sa buong Australia  naman ay nakapagtala na ng 43 kumpirmadong kaso ng COVID-19 ayon sa datos mula sa World Health Organization.

Wala pa namang naitatalang local transmission sa Pilipinas. Remate News Team

The post Babaeng nanggaling sa PH, nagpositibo sa COVID-19 sa Australia appeared first on REMATE ONLINE.

Manila, Philippines – Hawak ngayon ng MPD-General Assignment and Investigation Section  (GAIS) ang varsity player ng Adamson University matapos na itulak at manuntok ng isang pari sa loob ng gym ng eskuwelahan sa Ermita, Maynila.

Kinilala ang atleta na si Papi Sarr, 28 anyos, Cameron National, nanunuluyan sa  Falcon Nest., Adamson University sa San Marcelino St., sa Ermnita.

Ayon kay  P/Capt. Arnold Echalar,  hepe ng MPD-GAIS, nagkaroon ng pagtatalo sa pagitan ni Sarr at ng University Athletic Director  Fr. Aldrin Suan kung saan kumukuha ng sports management ang star player.

Sa salaysay ng pari, kasalukuyan siyang nanonood ng tune-up ng laban ng AU at  Perpetual University team nang dumating si Sarr.

Dito na umano iniabot ni Fr. Suan ang  kanyang dismissal letter na labis naman ikinagalit ni Sarr.

Nagawa umanong suntukin sa dibdib ng star player ang pari  saka  kinuwelyuhan sabay sinabi sa harap ng maraming tao ang katagang: “who are you to do this to me?”

Dito na dumating ang kapatid ng dayuhan na si Abdul Asis Sarr  kung saan  sinigawan din ang pari.

Hanggang sa inawat na lamang ng ibang player ang magkapatid, saka nagsidatingan ang iba pang nakatalagang security guard na silang tumawag ng responde sa MPD-Ermita Police Station 5, saka ito itinurn over sa MPD-GAIS.

Si Sarr ang tumatayong import ng Adamson University. Jocelyn Tabangcura-Domenden

The post Papi Sarr ng Falcons, kulong sa umanoy panununtok ng pari appeared first on REMATE ONLINE.

Manila, Philippines – Mas maraming masamang nadudulot kaysa sa mabuti.

Ito ang kumento ng dalawang batikang mambabatas ukol sa pamamayagpag ng Philippine Offshore Gaming Operators industry sa Pilipinas.

Kasabay nito, nagpahayag ng pagkakadismaya sina Senator Richard Gordon at Senator Francis Drillon at sinabing hindi matutumbasan ng ilang bilyong kontribusyon ng POGO ang mga naidudulot naman nitong krimen sa bansa.

Sa isinagawang inquiry sa Senado, na pinangunahan ni Gordon, siniyasat ang patong-patong ng mga krimen tulad ng paglilinis ng mga iligal na pera ng mga Chinese sa Pilipinas.

Ginagasta umano ang mga maduduming perang ito sa mga casino sa bansa at sa online betting, para malinis ito pagkatapos.

“Since the POGO came in our shores, all these things suddenly happened,” ani Sen. Franklin Drilon sa Senate Blue Ribbon Committee hearing.

Kahit pa sinabi ng Anti-Money Laundering Council (AMLC) na kumikita naman ng ₱7 billion ang gobyerno ng Pilipinas mula sa POGO industry ay hindi napigilan ang pagkadismaya ng senator.

“I am disappointed at the statement of PAGCOR saying [they] are in favor of POGO continuing in our shores because of the income we earn — such a short-ranged statement,” anang senador na tinawag pa itong “stupid” mindset.

“The social problems they have brought in our country is not worth the regulation fees that you earn,” aniya pa. “Why are we so in love with POGOs?”

Segunda naman ni Gordon: “How can a government agency like PAGCOR say ‘sayang naman ‘yung pera?’ Kung kinuha natin ‘yung perang pinasok dito na umaabot na ng $600 million… hindi ba, malaking bagay?”

Nakapagtala ang Bureau of Internal Revenue na koleksyon na ₱6.42 billion mula sa buwis ng POGO noong 2019. Samantala ayon naman sa PAGCOR na nakapag-remit ang POGO ng ₱18 billion simula pa noong 2016, mula sa 61 operators at 240 service providers.

Matatandaang kaliwa’t kanang ulat ng mga krimen ang lumabas na iniuugnay sa POGO, ilan na dito ang umanoy pagyabong ng prostitusyon, at mga kidnapping na naitatala na kinasasangkutan ng mga Tsino. Remate News Team

The post P7-B kita ‘di sapat kumpara sa mga krimeng nadudulot ng POGO sa bansa:  Drilon, Gordon appeared first on REMATE ONLINE.

Navotas – Pormal ng ipinamahagi ni Navotas lone Congressman John Reynald Tiangco nitong Huwebes ng educational assistance para sa mga junior high school students sa lungsod.

Nasa 1,100 mga estudyante mula sa mga pampublikong high school sa lungsod ang tatanggap ng P5,000 para sa school year 2019-2020.

Pinaalalahanan ni Tiangco ang mga magulang na siguruhing sa pag-aaral ng kanilang mga anak mapupunta ang perang kanilang natanggap.

“Mahirap ang buhay; madaling gastusin ang P5,000 sa loob lang ng isang araw. Kaya kailangang siguruhin natin na gagamitin lang ang perang natanggap para sa edukasyon ng ating mga anak,” aniya.

Pinaalalahanan din ng bagitong mambabatas ang mga estudyante na ipagpatuloy ang kanilang pag-aaral at pagsikapang makapagtapos.

“Ako at ang inyong mga magulang ay may parehong pangarap para sa inyo—na makamit ninyo ang inyong diploma at magkaroon kayo ng oportunidad na makagawa ng magandang kinabukasan para sa inyong sarili,” aniya.

Dagdag ni Tiangco, kung nais nila na mag-aral sa kolehiyo, maaari silang mag-enroll nang libre sa Navotas Polytechnic College.

Sa kabilang banda, ang mga gusto namang magkaroon ng technical-vocational skills ay maaaring mag-aral nang libre sa Navotas Vocational Training and Assessment Institute. Roger Panizal

The post Cong. Tiangco namigay ng educational assistance sa Navotas HS students appeared first on REMATE ONLINE.

Manila, Philipppines – Kinuwestsyon ni Atty. Larry Gadon sa Korte Suprema ang legalidad ng pagbibigay ng probisional permit sa ABS-CBN ngayong Huwebes, Marso 5.

Isinampa ni Gadon ang “writ of prohibition” sa Supreme Court na nag-uutos kay oHouse Speaker Alan Peter Cayetano at House committee on legislative franchises chair Franz Alvarez na bawiin ang kanilang paghingi ng temporary permit mula sa National Telecommunications Commission, habang hindi pa dinidinig ang mga panukala sa pagrerenew ng prangkisa ng dos.

Matatandaang nagpadala ng liham si Alvarez sa NTC nitong Pebrero para mabigyan ng provisional authority ang ABS-CBN na makaere pa rin kahit na mapaso ang prangkisa nito sa Mayo 4.

Kinontra naman ito ni Gadon at sinabing ang hakbang na ito ay lumalabag umano sa “doctrine of separation of powers.”

Giit ni Gadon na Kongreso lamang ang may ekslusibong kapangyarihan sa prangkisa, at ayon pa sa kanya na sina  Cayetano at Alvarez “acted in excess of their authorities and jurisdiction.”

“If respondents wanted to extend, or even renew, the franchise of ABS-CBN, they could have done it by conducting the proper committee hearings and decide, by a majority vote of all the Members of Congress, whether or not to extend, renew, or even grant a new franchise to ABS-CBN. It cannot do so by merely designating NTC to accomplish the “extension/provisional” job for them,” saad sa dokumento.

Ayon pa kay Gadon na wala umanong otoridad ang NTC na magpalabas ng permit sa mga korporasyon na may pasong prangkisa, dahil limitado lang umano sa “regulatory and supervisory” nature ang trabaho ng NTC.

Ipinunto niya ang 2003 Supreme Court ruling (Associated Communications & Wireless Services versus National Telecommunications Commission), kung saan kinakailangan ng “existing franchise” bago makapag-operate ang isang network. Remate News Team

The post Gadon, kinuwestyon sa SC ang ABS-CBN provisional permit na hinihingi ng Kamara appeared first on REMATE ONLINE.

Manila, Philippines – Lusot na sa last 8 sa Asiana-Oceania Boxing Qualification Tournament ng 2020 Olympics si Filipina boxer Riza Pasuit.

Tinalo ni Pasuit si Japanese boxer Saya Hamamoto sa women’s lightweight match Round-of-16 na gananap sa Amman, Jordan.

Ayon sa ulat, agad na nagpaulan ng suntok si Pasuit para talunin ang Japanese boxer.

Nagawa pang makabawi sa huling round si Hamamoto subalit hindi na hinayaan pa ni Pasuit na makabangon pa ang kalaban.

Dahil sa panalo ay pasok na sa quarterfinal round si Pasuit na isang silver medalist.

Nauna rito pasok na rin sa quarterfinals si Nesthy Petecio ng talunin si Krismi Lankapuravalage ng Sri Lanka sa 5-0 victory.

Habang nakuha ni Ian Clark Bautista ang 3-2 panalo laban kay Hayato Tsutsumi ng Japan sa men’s feather weight bout. JC

The post Pinay boxer Pasuit, swak sa last 8 ng Olympics q’fiers appeared first on REMATE ONLINE.

Manila, Philippines – Kinukumpirma na ng Armed Forces of the Philippines ang impormasyong may nakapasok umano na 2,000 hanggang 3,000 Chinese soldiers sa Pilipinas, at sinabing isa itong “matter of serious concern.”

“I have my staff for intelligence to confirm said reports in coordination with other relevant agencies of government,” ani Gen. Felimon Santos Jr., AFP chief of staff, sa isang pahayag.

Nauna nang isiniwalat ni Senator Panfilo “Ping” Lacson, dating national police chief, na mayroon umanong reliable source na nagsabi sa kanya na mayroong presensya ng aaabot sa 3,000 miyembro Chinese People’s Liberation Army sa bansa. Dagdag pa source na ang sinasabing foreign troops ay “on an immersion mission.”

Hinikayat naman ni Lacson ang intelligence authorities na exert extra effort to gather information” ukol sa isyu. Remate News Team

The post Sinasabing presensya ng 3,000 Chinese soldiers sa PH, sinisilip na ng AFP appeared first on REMATE ONLINE.

Isa si Sen. Cynthia Villar sa award presenters sa “Go Negosyo and ASEAN Women of Impact Awards” na idinaos sa World Trade Center sa Pasay City.

Kinilala ang mga kakabaihan mula sa iba’t-ibang lugar sa Southeast Asia dahil sa kanilang mga nagawa sa larangan ng fashion, langis at gas.

Kabilang sa awardees ang apat na Filipina na kinilalang “Manlilikha ng Bayan”  na gumawa ng pangalan sa paghabi. Cesar Morales

The post “Go Negosyo and ASEAN Women of Impact Awards” appeared first on REMATE ONLINE.

Yaman din lamang na napapanahon ang kinakatakutang sakit na coronavirus ay bigyan natin ng konting impormasyon ang ating mga kababayan hinggil sa nakalap nating kaalaman sa sakit na dulot ng corona virus.

Hindi po tayo doktor at hindi rin tayo scientist gaya ng iniisip ng lahat kundi isa lamang tayong mamamahayag na kahit papaano ay may nakukuhang konting kaalaman mula sa mga pananaliksik ukol sa COVID-19.

Ano nga ba ang novel coronavirus?

Well sa pagsasaliksik natin tungkol dito, isang bultong pamilya ng mga virus ang novel corona virus na matatagpuan sa katawan ng mga tao at hayop.

Ang pangalan ng COVID-19 bilang corona virus ay nagmula sa hitsura ng mga spike o tusok-tusok sa katawan ng virus na tila itsurang korona.

Taliwas ito sa pagkakaalam ng marami na ang corona virus ay isang simpleng virus na basta kumalat lang sa iba’t ibang bansa.

Sa ngayon, may pitong strain sa pamilya ng coronavirus ang nakakaapekto sa tao.

Ano-ano nga ba ang mga ito?

May apat na human coronavirus: ang Betacornonavirus (Hcov-OC43, HcoV-HKU1, Alphacoronvirus HcoV-229E atHCoV-NL63 na napag-alaman na nagiging sanhi ng mga kaso ng karaniwang sipon at ilang impeksyon sa respiratory tract o hingahan ng tao.

Ang Severe Acute Respiratory Syndrome coronavirus (SARS-CoV) naman sa pagkakaalam ko ay unang natagpuan sa isang pasyente sa Hanoi Vietnam noong May 2003 at hindi nagtagal ay kumalat sa China at sa iba pang mga kalapit na bansa.

Samantala, ang Middle East Respiratory Syndrome Corona virus (MERS-CoV) naman na unang nakita sa bansang Saudi Arabia noong September 2012 ay nakita kalaunan sa 26 iba pang bansa at ito ngang huli ay pumasok naman ang COVID-19.

Ang coronavirus (n-CoV) ay sakit na hanggang ngayon ay patuloy pang sinasaliksik ng iba’t ibang ekspertong doktor ang gamot para mapuksa ito.

Aabot sa halos 10 hanggang 30 porsyento ng mga impeksyon ng upper respiratory tract ang tumatama sa mga nasa hustong gulang at maaaring nahawaan na tayo ng virus na ito.

Hindi nga lang natin alam kung gaano kalawak ito ngayon.

o0o
Anomang puna o reklamo, i-text sa 09189274764, 09266719269 o i-email sa juandesabog@yahoo.com o juandesabog48@gmail.com.

The post ANO NGA BA ANG CORONAVIRUS? appeared first on REMATE ONLINE.

LUMALAKI at nauuso ang karahasan sa mga dayuhan at Tsino ang karamihang bumibiktima ng Tsino.

Iniulat ang sandamakmak na krimen tulad ng pagnanakaw, pangingikil, kidnapping, panggagahasa at prostitusyon, na isinasagawa ng Tsino laban sa kanilang kapwa.

Pinakahuli at malamang pinakamalala sa ngayon ang pamamaril sa mag-asawa ng tatlo nilang kasamang maghapunan sa isang restawran sa Barangay Bel-Air, Makati City noong Huwebes ng gabi.
Si Yin Jian Tao, 33, empleyado ng information technology ang nasawi roon mismo samantalang ang asawa niyang si Zheng Kai, 25, na may trabaho ring online, ay nagtamo ng ilang tama ng baril.

Nahuli ng gwardya at mga barangay tanod ang dalawa sa bumaril.

Nasamsam ng pulisya ang ilang baril at isang bag na naglalaman ng P345,000.

Nakipagtagpo umano ang mga biktima sa mga suspek para ma-convert ang P1 milyon sa yuan. Ang nalalabi sa pera ay maaaring nasa loob ng bag ng ikatlong lalaking nakatakas.

Noong Agosto, niligtas ng Philippine National Police Anti-Kidnapping Group ang kinidnap na lalaking tubong mainland China mula sa sindikatong loan shark sa Pasay City. Ito’y matapos magreklamo ang ama sa Chinese consulate sa Maynila na nagpadala ang sindikato ng video ng kanyang anak habang tinotortyur at sinabing magbayad sila ng 300,000 yuan (P2.2 milyon).

Noong Setyembre 2019, dalawang turistang Tsino ang kinidnap ng kapwa Tsino matapos matalo ng P7.1M sa Okada casino sa Parañaque.

Noong Disyembre naman, inaresto ng PNP-AKG ang anim na lalaking Tsino, may edad na 21 hanggang 32, sa kanilang safehouse sa Bacoor, Cavite isang linggo matapos dukutin at gahasain nila ang anim na dayuhang babae sa isang restawran sa Pasay.

Sa simula rin ng Disyembre, apat na lalaking Tsino ang dumukot kay Zhou Mei, area manager ng Philippine Offshore Gaming Operations sa Paseo de Roxas, Brgy. San Lorenzo, Makati. Ang mga suspek na empleyado ng POGO ay nag-demand ng P60M ransom mula sa asawa ni Zhou.

Nakapagtala ang PNP ng mahigit 50 kaso ng karahasan na may kaugnayan sa POGO mula 2017, patunay na tumataas ang krimeng kinasasangkutan ng Tsino sa Metro Manila, partikular sa mga lungsod sa Timog.

Dapat tingnan muli ng gobyerno ang POGOs at ang kanilang epekto sa kapayapaan at kaayusan at sa ekonomiya. Nakatutulong ba sila sa ekonomiya samantalang marami sa kanila ang umiiwas sa pagbabayad ng buwis, at ang dayuhan nilang obrero na nagpapataas ng presyo ng real property ay nakapipinsala sa mga lokal?

Paano ang panunuhol sa pastilyas sa immigration, pangingikil, kidnapping, rape at prostitusyon na kahulilip ng POGO?

Akala ko naman kaibigan natin ang Big Brother China. Bakit natin pinahihina ang pagsisikap nito na mag-operate laban sa pasugalan at cyber fraud sa labas ng kanilang bansa? Dapat ma-ban ang POGOs.

Samantala, dapat tularan ng local executives si Makati Mayor Abigail Binay. Ipinatigil niya ang pag-iisyu ng business permits sa POGO.

Kamakailan lang, mahigit 2,000 workers na nabukong may criminal records sa China ang ipina-deport. Umasa tayo na simula na ito ng seryosong clean-up drive laban sa dayuhang lumalabag sa batas.

The post POGOs AT KARAHASAN appeared first on REMATE ONLINE.

HINDI naman siguro papayag itong si Transportation Secretary Arthur Tugade na hindi aksyunan ang reklamo ng CARTESY German, manufacturer ng motor vehicle inspection tools, sa paggamit ng pangalan nito ng isang kumpanya na kasalukuyang ka-transaks’yon ng Land Transportation Office (LTO) simula pa noong 2010 dahil ito’y malinaw na “gross violation of proprietary and copyright laws.”

Ayon sa reklamo nito kay Secretary Tugade, walang permiso sa kanila ang Chinese-owned Cartesy o Cartesykj Diagnostic Technology Co., LTD., LED na gamitin ang kanilang pangalan bukod pa dito na wala naman silang corporate office sa Pilipinas.

Lumalabas ay alam ng ahensya, na kasalukuyang pinamumunuan ni ret. Gen. Edgar Galvante, na peke ang ka-transaksyon nito pero tila tahimik lang ang liderato nito, bakit kaya hehe.

Anomalya ngang maituturing kung gumamit lang ng pangalan ng ibang kumpanya upang makapagnegosyo ang mga negosyanteng Intsik dito sa ating bansa partikular na sa LTO.

Aba’y malinaw na may korapsyon at kutsabahan sa LTO dahil di puwedeng magkunwang mga ogag lang ang mga tiwaling opisyal ng ahensya para magpatuloy ang operasyon ng Cartesy sa pagsasagawa ng testing at sertipikasyon ng motor vehicles na “safe and road worthy?”

Kailangan ang agarang aks’yon dito ng DOTr chief upang matukoy ang mga korap sa LTO at kung may mangyaring masama sa mga sasakyang sinertipikahan nang pagiging “road worthy” ng kuwestyonableng Chinese-owned Cartesy ay baka sa CARTESY German isisi ang ‘krimen.’

94.2% SA MANILA BAY CLEAN-UP COMPLIANCE

Nakatanggap ang pamahalaang lungsod ng Navotas kamakailan ng 94.2% na marka sa 2019 Assessment of Compliance of Local Government Units to Manila Bay Clean up, Rehabilitation and Preservation Program (MBCRPP).
Kasama ang lungsod sa top five na LGUs na nagtaguyod ng Supreme Court mandamus na nag-uutos sa mga ahensya ng gobyerno na linisin, ayusin at ipreserba ang Manila Bay at ibalik ang water quality nito para pwede ng paglanguyan o gamitin sa contact recreation.

“Ang pangingisda ang ating pangunahing pinagkukunan ng kabuhayan at bilang fishing community, dapat binibigyan natin ng lubos na pagpapahalaga ang kalusugan at kondisyon ng ating mga dagat at ilog,” paghihikayat ni Mayor Toby Tiangco sa mga barangay officials.

Dagdag pa nito: “May mga polisiya at programa tayo para mapanatiling malinis ang ating mga dagat at ilog at ibalik ang water quality nito sa swimming level. Ngunit, kailangan natin ang suporta at pakikilahok ng lahat para magtagumpay ang mga polisiya at programang ito.”

Aktibo rin itong nakikilahok sa Battle for Manila Bay clean-up drive at nakakolekta ito ng 2,267,087 kilo ng basura noong Enero hanggang Disyembre 2019.

The post KAILANGAN ANG AKSYON NI SECRETARY TUGADE appeared first on REMATE ONLINE.

GAANO ba kahanda ang mga Pinoy na doktor, nars at iba pang medical practitioner na humarap sa nakahahahawa at nakamamatay na COVID-19?

Tinatanong natin ito sa harap ng paglabas ng mga ulat na meron nang 13 doktor at nars na namamatay sa nasabing sakit.

MGA BIKTIMA

Heto, mga Bro, ang listahan ng mga doktor, pwera nars, na namatay.

Si Dr. Liu Zhiming, 51 anyos, na naging direktor o pinuno mismo ng Wuchang Hospital.

Pinamatanda si Dr. Liang Wudong sa edad ana 62.

Namatay rin si Dr. Jiang Xueqing, 55, pinuno ng thyroid at breast surgery sa isa ring ospital sa Wuhan.

Kasama sa mga namatay sina Dr. Mei Zhongming, 57; whistle-blower doctor na si Li Wenliang, 33; Dr. Xia Sisi, 29, gastro-enterologist at Dr. Peng Yinhua, 29.

Kung papansinin ninyo, mga Bro, pawang malulusog at karamihan bata ang mga namatay na doktor.

Sinasabing karaniwang mga may edad at dati nang may iniindang sakit ang madaling kapitan ng COVID-19 saka mamatay.

PAANO NAMATAY?

Marami ang dahilan.

Una, sinasabing pagod na pagod at puyat na puyat hanggang nanghina sa katawan ang mga doktor.

Ikalawa, karamihan sa mga ito ang nahawa sa simula pa lamang dahil hindi kaagad na nakapagsuot ang mga ito ng Personal Protective Equipment na binubuo ng mga N95 face mask, gloves, kapote, boots at iba pa.

Ikatlo, wala pang nakatitiyak noon na talagang nakamamatay ang sakit at isang uri ng deadly na corona virus ang COVID-19 na tila pinagsama umanong Severe Acute Respiratory Syndrome at Middle East Respiratory Syndrome.

Ikaapat at pinakamatindi sa lahat, sapilitang silang nahawa dahil sila ang nasa gitna ng laban sa sakit, araw at gabi, simula nang pumutok ang sakit sa Disyembre 2019 hanggang sa kasalukuyan.

Nito lang nagdaang mga araw ang pinakahuling namatay na si Zhongming na isang optalmologist at dabarkads ni whistle-blower Li Wenliang.

USA, ITALY,
S. KOREA, CHINA

Pawang malalakas at mayayaman ang mga bansang ito kaya naman kumpleto at napakamoderno ang mga kagamitang pang-ospital at pang-doktor nila at may magagandang gamot.

‘Yun bang === wala ka nang masasabi pa sa sistemang pangkalusugan ng mga ito.
Pero nasisingitan sila ng COVID-19 at problemang malaki nila ngayon ang dumaraming kamatayan sa sakit.

Ang USA, may 9 nang patay; Italy – 79; South Korea -28; at China – 3,000.

Habang sinasabing bumababa ang bilang ng mga nahahawa at namamatay sa China, mabilis namang nagaganap ang kabaligtaran nito sa nasa 60 bansa na ngayon, kasama ang USA, South Korea at Italy.

Wala namang nakatitiyak na hindi ito magaganap sa Pilipinas sa rami ng mga Pinoy na umuuwi mula sa nasabing 60 bansang may COVID-19.

Pwera pa ang mga dayuhan na may hawak ng permanent visa mula sa ating pamahalaan.

NAKAPANININDIG-BALAHIBO

Alam ba ninyong nakapaninindig-

balahibo ang posibilidad na kaunti lang sa mga doktor, nars at iba pang medical professional natin ang handang lumaban sa COVID-19?

At maaaring ganito rin ang kalagayan ng mga ospital sa bansa.

Nagaganap kasi ang mga ito mismo sa England na pinasok na rin ng sakit.

Sa survey sa nasa 1,600 doktor, walo lang ang nagsabing hindi handa ang National Health Service na lumaban sa sakit.

Ang NHS ang pinakamalaking health provider sa nasabing bansa para sa mga single taxpayer at pinopondohan at pinatatakbo ng pamahalaan.

Kabilang sa mga pinakamalaking kakulangan ang pagkakaroon ng napakaliit na bilang ng mga doktor at nars at kakaunting mga ospital na pupwedeng doon ilagay ang maraming pasyenteng may COVID-19.

Dahil dito, punuan ang mga ospital ng NHS sa ngayon at kakaunti ang nag-aasikaso sa mga pasyente.

SA PILIPINAS?

Hindi natin matatawaran ang pagiging Good Samaritan ng mga doktor at nars na Pinoy.

Ang katotohanan, marami sa mga ito ang nagseserbisyo nang libre o kaunti lang ang singil sa mga mahihirap.

Pero paano ang mga doktor at nars natin sa mga pampublikong ospital na masasabi nating katumbas ng NHS sa England?

Hindi ba maraming public hospital ang kakaunti ng doktor at nars?

At kung marami ang mga nakaputi na umiikot sa mga ospital na ito ay dahil mga “On the Job Training” na doktor at nars.

CONSUELO DE BOBO

Muli, masasabi nating talagang maraming Good Samaritan sa mga medical professional natin.
Pero paano kung sa COVID-19 sila ihaharap?

Gaano sila kahanda sa personal na lebel na maaari silang magkasakit at mamatay?

Aminin man o hindi ng mga doktor, marami sa kanila ang mas gustong magkamal ng malalaking halaga ng salapi sa panggagamot kaysa magserbisyo nang libre.

Consuelo de bobo ang lakad ng mga ito sa mga libreng serbisyo at ang totoo, dito sila nangangalap ng mga pasyente na pupwede nilang pagkakitaan.

Maaasahan ba ang mga ito na makibaka sa COVID-19 na nangangailangan ng mga katakot-takot na oras at 24/7 na sakripisyo?

At maaaring madamay ang buong pamilya, lalo na kung may halo nang kamatayan?

Sana naman, hindi bibiguin ng mga doktor, nars at iba pang medical professional natin ang mga mamamayan na mangangailangan ng lubos na tulong sakaling umatake ang COVID-19 sa bansa nang katulad sa ibang bansa.

The post 13 DOKTOR, NARS PATAY SA COVID-19; SA PILIPINAS? appeared first on REMATE ONLINE.

Manila, Philippines – Batay sa pinakahuling datos mula sa PAGASA, namataan ang Low Pressure Area (LPA) ngayong alas-3 ng umaga ng Biyernes sa tinatayang 150 kilometro silangan-hilagang silangan ng General Santos City, South Cotabato habang iiral naman sa northern at central Luzon ang Hanging Amihan.

Ayon pa sa weather bureau, magkakaroon ng maulap na papawirin na mat kalat-kalat na pag-ulan at pagkidlat ang Visayas at Mindanao dahil sa LPA.

Sa Bicol Region, Quezon, Marinduque, Romblon at Oriental Mindoro naman, mararanasan din ang maulap na kalangitan na may kalat-kalat na pag-ulan at pagkidlat sanhi naman ng Tail End of a Cold Front.

Maulap na kalangitan na may mahinang pag-ulan naman ang iiral sa Cagayan Valley at Aurora dahil sa Amihan.

Samantala, makakaranas ng bahagyang maulap hanggang sa maulap na kalangitan na may isolated light rains sa Metro Manila at sa nalalabing bahagi ng Luzon sanhi pa rin ng Hanging Amihan. Remate News Team|MM

The post Maulap na papawirin, kalat-kalat na pag-ulan sa Visayas, M’danao sanhi ng LPA appeared first on REMATE ONLINE.

Manila, Philippines – Inanunsyo ng Taiwan na isa sa mga residente nito na nagpunta sa Pilipinas kamakailan ang nagpositibo sa coronavirus disease 2019 (COVID-19).

“Case #44 is an over-30-year-old male who resides in northern Taiwan. He traveled to the Philippines with his friends from February 28 to March 3,” pahayag ng Centers for Disease Control (CDC)  ng Taiwan sa isang press release.

Ayon pa sa press release, nakaranas ang lalaki ng diarrhea habang nasa Pilipinas noong Marso 2.

“After he returned to Taiwan, Case #44 went to a clinic due to having a dry throat and tiredness on March 3,” ayon pa sa pahayag.

Marso 4 nang ikonsidera siya ng pamahalaan ng Taiwan bilang suspected case o hinihinalang kaso.

“Infection with COVID-19 was laboratory-confirmed in the case on March 5. Related investigation suggested it is an imported case linked to the Philippines,” dagdag pa ng pahayag.

Kinukumpirma pa ng mga opisyal ng Pilipinas ang impormasyon.

Mayroon nang mahigit sa 40 na kumpirmadong kaso ng COVID-19 sa Taiwan habang tatlo naman kumpirmadong kaso sa Pilipinas.

Isa sa mga bansang pinatawan ng travel restrictions ng Pilipinas ang Taiwan ngunit kalaunan ay inalis din ito. Remate News Team|MM

The post Taiwanese na may travel history sa PH, nagpositibo sa COVID-19 appeared first on REMATE ONLINE.

Quezon City, Philippines – Hindi na sisikatan ng araw ang dalawang tulak ng droga matapos mauwi sa engkwentro ang ikinasang operasyon ng pulisya laban sa mga ito sa Bagbag, Quezon City ngayong Biyernes ng madaling araw.

Ayon kay Police Lt. Col. Hector Amancia, nakatimbre umano ang dalawang suspek na huhulihin sila ng mga pulis kung kaya’t nauwi sa engkuwentro ang operasyon.

(c) Kuha ni Val Leonardo

Kinilala ang mga suspek na sina Allan Canlas at Asnawi Batuas alyas Boss, na kapwa dayo sa lugar.

Nasamsam ang 200 na gramo ng hinihinalang shabu at nagkakahalaga ng mahigit P1.3 milyon at 2 kalibre .45 na baril.

(c) Kuha ni Val Leonardo

Bukod pa rito, nakuha rin sa kanila ang isang sling bag, isang unit ng cellphone, isang piraso ng P1,000 na buy bust money at ilang piraso ng bond paper na ginamit na boodle money.

(c) Kuha ni Val Leonardo

Agad na dinala sa Novaliches District Hospital ang mga suspek para sa agarang lunas ngunit idineklara ang mga ito na dead-on-arrival bandang 2:35 ng umaga. Remate News Team|MM/Val Leonardo

The post 2 kelot na tulak, todas sa engkwentro sa Kyusi appeared first on REMATE ONLINE.

Manila, Philippines – Ayon sa statistiko mula sa Bangko Sentral ng Pilipinas (BSP), nailiipat ang perang papel ng libong beses mula sa isang tao papunta sa isa pa sa loob ng anim na buwan hanggang isang taon.

Ipinakita rin sa ulat ng BSP na ang dalawampung pisong perang papel ang higit na nagagamit sa bansa.

Sa gitna ng coronavirus disease (COVID-19) scare, nagbabala ang World Health Organization (WHO) na posible umanong maipasa ang sakit sa pamamagitan ng mga perang papel na infected.

Ayon naman sa University of the Philippines Institute of Biology, naililipat sa pagitan ng mga indibidwal ang mga microbes sa pamamagitan ng cash transactions.

Ngunit walang malakas na ebidensya na nagpapakitang maaaring mailipat sa pamamagitan ng mga perang papel angnovel coronavirus.

“‘Yung survivability ng bacteria and virus sa pera ay (pwede) for few hours to a few days pero depende pa siya dun sa temperature [at] sa moisture content. Depende kung saan mo ilalagay,” ayon sa researcher na si Jann Eldy Daquioag sa isang panayam.

Abiso ng WHO sa publiko na “stop the spread of the disease, people should use contactless payments where possible and wash their hands after handling cash.”

Subalit ani BSP, hindi kailangang i-disinfect ang mga barya at perang papel.

“The BSP doesn’t really see the need to do the same kasi wala naman reported na local trnasmission ng coronavirus sa atin.”

Sa ngayon, mayroong tatlong kumpirmadong kaso ng COVID-19. Hanggang nitong Huwebes, mayroong kabuuang 614 kaso ang nag-negatibo habang 12 na kaso pa ang naghihintay ng resulta ng mga pagsusuri. Remate News Team|MM

The post Walang malakas na ebidensya na naililipat ang COVID-19 sa pamamagitan ng pera: UP Institute of Biology appeared first on REMATE ONLINE.

Manila, Philippines – Sinuspinde ng korte sa Pasig ang pagdinig sa cyber libel case laban sa founder ng 8chan, isang online message board na kinokonekta sa 3 mass shootings sa ibang bansa.

Pinagbigyan ng Pasig Regional Trial Court Branch 158 ang ‘motion to defer proceeding’ ni Fredrick Brennan habang ang kanyang petisyon ukol sa pagdinig ay nakabinbin pa sa  Department of Justice (DOJ), ayon sa kanyang abugado ngayong Biyernes.

“The court may dismiss the case if the DOJ will grant our appeal,” saad sa Twitter ni Alexander Acain, Jr., abugado ni Brenna.

Ayon sa ulat na wala pa silang natatanggap na anumang komento mula sa DOJ ukol sa petition for review na inihain nila nitong Pebrero 26.

Sinampahan ng kaso si Brennan matapos na magtweet ng hindi magagandang salita ukol kay James Arthur “Jim” Watkins, ang kasalukuyang may-ari ng 8chan, na sinabihan niyang “going senile” at tinawag na “terrible incompetent people” ang mga administrator ng message board.

Inatasan naman ng korte ng maglagak ng P10,000 si Brenan na ngayon ay nasa United States, kahi pa isang permanent resident visa holder dito sa Pilipinas.

Sa apela ni Brennan sa DOJ, sinabi niya na siya ay “not motivated by malice when he posted the controversial tweets.”

“Respondent was merely exercising his civic duty to inform the public about the people behind 8Chan and the dangers of operating a website that hosted hate speech and white nationalist creed because it has already claimed the lives of many innocent people in the United States and in New Zealand as well,” saad sa kanyang petition for review.

Si Watkins, na nakabase sa Pinas, ang nagmamay-ari sa website na sinasabing ginamit ng gunman para i-post ang kanyang pahayag ukol sa deadly attack sa El Paso, Texas bilang “response to the Hispanic invasion of Texas.”

Ayon naman sa ibang ulat na ang 8chan, ngayon ay 8kun, ay ginamit din umano ng shooter na kumitil sa buhay ng nasa 51 indibiduwal sa dalawang mosque sa Christchurch, New Zealand nitong Marso 2019, na nakapagbigay din umano ng inspirasyon sa suspek sa pamamaril sa synagogue sa Poway, California. Remate News Team

The post Pagdinig sa cyber libel case vs 8chan founder sinuspinde ng korte appeared first on REMATE ONLINE.

Manila, Philippines – Walang kapangyarihan na magpalabas ng provisional authority ang National Telecommunications Commission (NTC) para sa ABS-CBN para magpatuloy na mag-operate kapag nagpaso na ang kanilang 25-year franchise contract sa Mayo 4, 2020.

“The provisional authority cannot be legal because NTC cannot give provisional authority if there is no franchise. If the franchise expires, then there is nothing to give provisional authority for an extension,” ayon kay Presidential spokesperson Salvador Panelo.

Ani Sec. Panelo, mayroon na aniyang desisyon ang Korte Suprema.

Hindi aniya maaaring magbigay ng provisional authority kung wala namang prankisa.

Si Sec. Panelo ay tumatayong Presidential Legal Counsel din ni Pangulong Duterte.

Tila kinatigan naman ni Sec. Panelo ang naging pahayag ni Atty. Larry Gadon, na humiling sa Korte Suprema na pigilan ang pamahalaan mula sa pagbibigay ng provisional authority sa ABS-CBN nang walang kaukulang batas na ipinasa ang Kongreso hinggil sa renewal ng prankisa ng nasabing network.

Subalit, maaari naman aniyang magpasa ang Kongreso ng batas na magbibigay ng temporary permit sa ABS-CBN habang nakabinbin ang desisyon ukol sa franchise renewal application.

“I think they can do it and they say they can do it,” ayon kay Sec. Panelo.

Sa ulat, pabor ang lahat ng senador sa resolusyon na maaring maging daan para patuloy na makapag-operate ang ABS-CBN Corporation kahit mapaso na ang prangkisa nito sa darating na Mayo 4.

Ipinaliwanag ni Senate Minority Leader Franklin Drilon na ang inihain niyang Senate Resolution 6 ay para lang maipaalam ang ‘sense of the Senate.’

Aniya, ito ay maaring magamit na basehan ng National Telecommunications Commission (NTC) para bigyan ang ABS-CBN ng provisional authority at magpatuloy ang operasyon nito habang hindi pa naipapasa sa Kamara ang hirit nilang panibagong prangkisa.

Kinuwestiyon muna nina Senators Aquilino Pimentel III at Francis Tolentino ang resolusyon ni Drilon na kinalaunan ay pumayag na rin na ito ay maging simpleng resolusyon na lamang dahil wala naman itong bisa tulad ng isang batas.

Ipinagtaka rin ni Senate President Vicente “Tito” Sotto III kung bakit hindi na lang magbigay ang NTC ng provisional authority sa ABS-CBN gayung ilang beses na itong ginawa ng ahensiya sa ibang prangkisa.

Paglilinaw din ni Drilon na walang kinalaman sa resolusyon sa quo warranto petition na inihain sa Korte Suprema ng Office of the Solicitor General (OSG) laban sa giant broadcasting network.

Ayon kay Drilon, tanging ang ABS-CBN lang ang makakasagot sa petisyon.

Sisimulan nang tala­kayin ng House Committee on Legislative Franchises ang renewal ng prangkisa ng ABS-CBN sa darating na Marso 10.

Inanunsyo ito kahapon ni House Speaker Alan Peter Cayetano matapos ang kaliwa’t kanang pagkalampag sa Mababang Kapulungan ng Kongreso na bigyan na ng panibagong prangkisa ang Kapamilya network.

Nabatid na may 11 pa­nukalang batas na nakabin­bin sa nasabing komite para sa renewal ng prangkisa ng ABS-CBN para sa susunod na 25 taon.

Sabi naman ni Palawan Rep. Franz Alvarez, pinuno ng komite, hindi pa pormal na hearing ang kanilang gagawin.

Dito anya ay ilalatag lamang nila ang mga rules na magiging batayan sa mga gagawing pagdinig.

Posible namang isa­gawa ang pormal na hearing sa Mayo sa pagbabalik ng sesyon ng Kamara matapos ang kanilang Lenten break.

Magugunitang na­bigyan ang nasabing TV giant ng 25 taong legislative franchise noong 1995 na mapapaso ngayong Mayo 4. Kris Jose

The post NTC, di pwedeng magbigay ng provisional authority sa dos kapag napaso ang prangkisa: Panelo appeared first on REMATE ONLINE.

Manila, Philippines – Nagpahayag ng pagkabahala ang Commission on Population and Development dahil sa patuloy na paglobo ng unplan pregnancy sa bansa.

Sa ginanap na forum na Meet the Press sa National Press Club (NPC), sinabi ni Usec Juan Antonio Perez III na  umabot na sa 108 milyon ang populasyon sa Pilipinas.

Ito aniya ay dahil sa hindi mga planadong pagbubuntis kaya kailangan aniya na ang family planning program ay dapat pang palakasin at palalimin.

Ayon pa kay Perez, kabilang sa mga rehiyon ang may naitalang pinakamaraming unplan pregnancy ang rehiyon ng Bicol, Eastern Visayas, Region 9, Zamboanga, BARMM region at iba pang rehiyon sa Visayas at Minadanao.

Sinabi rin ni Perez na sa sampung pregnancy ay nasa tatlo rito ang hindi planado kung saan may mga naitala nang pregnancy na ang edad ay 10-taong gulang hanggag 19 anyos.

Ipinaliwanag din ng opisyal na mula sa pagpapakasal ay nire-require na ang marriage license kung saan may orientation na katuwang ang Department of Social Welfare and Development (DSWD) at Department of Health (DOH) para sa responsible parehthood at family planning.

Simula pa lamang aniya ay dapat nang magplano ang isang mag-asawa kung ilan lamang ang bilang ng anak na kailangan upang masuportahan.

Dagdag pa ni Perez na nababahala sila ngayon dahil tumataas ang bilang ng nabubuntis at dahil sa ginawa ng Korte Suprema sa RH law na ang kabataan below 18 ay di makakakuha ng family planning services nang walang permiso ag mga magulang.

Nang mawala aniya ang family planning service ay napansing tumaas ang bilang ng pregnancy kung saan 570 kabataan araw-araw ang nanganganak noong 2014  na bumaba naman ng kaunti noong 2018 sa bilang na lamang na 183,000.

Karamihan din sa nagbubuntis at nanganganak ay edad 10 hanggang 14 taong gulang na umabot sa 60 porsyento  mula 2011 hanggang 2018.

Ayon kay Perez inirerekomenda nitong gumamit ng mga modern method na artificial tulad ng injectable, inplant at pills habang sa  natural method  at  breast feeding at iba pa. Jocelyn Tabangcura-Domenden

The post Paglobo ng unplan pregnancy sa bansa, ikinabahala ng PopCom appeared first on REMATE ONLINE.

Manila, Philippines – Matapos ang pagbabawas sa singil sa loob ng dalawang sunod na buwan, inanusyo ng Manila Electric Company (Meralco) ngayong Biyernes, Marso 6, ang taas-singil sa kuryente ng P0.0278 kada kilowatt-hour (kWh).

Ayon kay Meralco spokesperson Joe Zaldarriaga na ang bahagyang taas singil ngayong buwan ay sanhi ng mataas na  generation charge, na pinagaang ng refund sa over-recoveries sa pass-through charges at sa one-time adjustment sa Universal Charge-NPC Stranded Contract Costs (UC-SCC).

Ang P0.0278 per kWh na dagdag singil ay nagmula sa overall rate na P8.8901 per kWh mula sa P8.8623 nitong Pebrero.

“This is equivalent to a P6 increase in the total bill of residential customers consuming 200 kWh,” paliwanag ni Zaldarriaga.

“This month’s rate is lower than that of last March 2019, which was P10.4961 per kWh,” aniya pa.

Ang taas-presyo ngayong Marso ay epekto ng Energy Regulatory Commission (ERC)-approved adjustments para sa over/under-recoveries ng Merocal sa mga pass-through charge mula January 2012 hanggang October 2013.

“These adjustments, to be implemented for a period of three months, are incorporated in the generation, transmission, system loss charges, and subsidies,” dagdag pa ni Zaldariagga.

Para sa mga residential customer, aabot sa PhP0.05 per kWh ang taas-singil, di pa kasama dito ang buwis.

Mula naman sa P4.5090 per kWh nitong nakaraang buwan, tataas naman ang generation charge ngayong Marso sa  P4.6632 per kWh. Remate News Team

The post Taas-singil sa kuryente ngayong Marso, ikakasa ng Meralco appeared first on REMATE ONLINE.