- KUNG mahilig din lang magluto, makatutulong ang ilang tips na ito
para mas madali ang paggalaw sa kusina, mas mabilis makapagprepara ng pagkain, at mas malinis ang mga kasangkapan.
· Bago buksan ang pakete ng bacon, irolyo ang pakete at pagulong-gulungin. Sa ganitong paraan, madaling maghihiwa- hiwalay ang bacon.
· Kung gagamit ng orange, ilubog muna sa kumukulong tubig bago balatan. Mas lalambot ang balat nito kapag nailubog na sa mainit na tubig.
· Kung gagawa ng hamburger, gumamit ng pang-scoop ng sorbetes sa paghulma ng giniling. Sa ganitong paraan, pantay ang dami ng patties.
· Tanggalin ang dumikit na keso, o anumang gulay sa panggadgad sa pamamagitan ng pagkiskis ng sepilyo. Makabubuting bumili ng sepilyo para sa ganitong gawain. Itago ang sepilyo kasama sa gamit-panluto.
· Patakan ng kaunting mantika ang mantekilya para maiwasan ang pagkasunog ng anumang gustong iprito sa mantekilya.
· Kapag nagluluto ng pasta, hayaang kumulo nang maigi ang tubig, lagyan ng kaunting mantika ang tubig para hindi
magkadikit-dikit ang pasta, at lagyan ng kaunting asin para
magkalasa ang niluluto. Huwag iluto nang sobra ang pasta para
hindi lumabsa.
· Sa pagbabalat ng sibuyas, mainam na basaing maigi ang
sibuyas. O kaya naman ay magsubo ng isang putol ng pan Amerikano para maharangan at sipsipin ang mga lumalabas na katas na nakapagpapaluha sa mga mata habang hinihiwa ang sibuyas.
· Para masaid ang mga tomato paste, cream, at ketsap sa
lalagyang lata o bote, lagyan ng maligamgam na tubig at alog-
alugin. Marjorie Ann Dacoro
↧
Cooking tips
↧