DINAKIP ang isang lalaki may diperensiya sa pag-iisip matapos pagtatagain ang isang lolo sa Purok 4, Barangay Tawig, Paracale, Camarines Norte.
Kinilala ang biktima na si Loreto Sale, 68.
Nabatid na bigla na lamang pinagtataga ni Virgilio Sale ang biktima sa iba’t ibang bahagi ng katawan na naging dahilan ng agarang kamatayan nito.
Napag-alaman na nang magresponde ang mga awtoridad at sinubukang pakalmahin ang suspek, inatake pa nito ang pulis na si PO2 Orlando Macas.
Dito na nagdesisyon ang iba pang pulis na paputukan ang suspek sa braso.
Sa ngayon ay nasa kustodiya na ng mga awtoridad ang suspek habang inihahanda na ang kasong isasampa laban sa kanya. MARJORIE DACORO