TINAPOS ng isang second year high school student ang kanyang sariling buhay sa pamamagitan ng pagbaril sa sarili matapos na makaranas ng pambu-bully sa eskuwelahang pinapasukan sa Batangas City.
Batay sa report sa radyo, kinilala biktima na si Lee Gunay, 14-anyos, taga-Madonna Homes Subdivision at estudyante ng Saint Bridget College.
Sa report, sinabi na nakita ng kanyang mga magulang ang 14-anyos na biktima na wala nang buhay sa loob ng kuwarto nito.
Ayon naman sa tatay ng biktima, posible rin na ang pagbagsak ng anak sa Mathematics ang dahilan kaya nagkaroon ito ng matinding depresyon.
Inaalam pa kung saan nakuha ng biktima ang .45 baril na ginamit sa pagpapatiwakal.