MANILA, Philippines – Muling nagkamit ng karangalan ang Remate News Central makaraang gawaran ito ng Excellence in Journalism ng Diamond Excellence Award.
Ang Diamond Excellence Award ay isang award giving body na naglalayong kilalanin ang mga indibidwal at grupo na nagpakita ng dedikasyon at angking galing sa kani-kanilang mga larangan.
Nitong Martes, Disyembre 10, ay tinanggap ni Dennis Paule, Remate News Online Chief ang ‘Excellence in Journalism’ sa awards night na ginanap sa Golden Ballroom ng Okada Manila.
“Truth is the foundation of journalism and the guiding principle that shapes everything we do at Remate News Central,” saad sa nagging speech ni Paule sa pagtanggap ng award.
Aniya, ang karangalan ng Remate News Central ay para sa lahat ng mga empleyado, kabilang ang mga editor, reporter at photographer na naninindigan para sa katotohanan ar ibigay ang mga balitang napapanahon na kailangan ng publiko.
Dagdag pa, pinasalamatan din ni Paule ang mga mambabasa na nagsisilbing inspirasyon ng Remate News Central para isulong ang ethical at impactful journalism araw-araw.
“Thank you for this acknowledgment—it strengthens our resolve to continue serving the public with truth and excellence.” RNT/JGC
The post Remate News Central pinarangalan ng Excellence in Journalism ng Diamond Excellence Award first appeared on Remate Online.