SINO itong isang ‘bulldog’ na alyas Tamayo, PO1 Niño at isang nagpupulis-pulisan na alyas Espeleta na patuloy na umiikot sa lahat ng mga iligal na pasugalan, bahay-putahan, night club, birhaws at pati na ang shabuhan sa sakop ng Southern District Police?
Ang matindi rito, ginagamit ng grupo nitong si alyas Tamayo sa kanilang pag-iikot sa mga vice ang opisina ni OIC PNP chief Gen. Leonardo Espina at ang caretaker ng SPD na si Gen. Henry Rañola.
Ipinagmamalaki kasi ng grupo na astig sila kay DILG Sec. Mar Roxas dahil sila mismo ang kumukuha ng pondo ni Sec. Roxas para sa pagtakbo nito sa 2016 national elections.
Totoo ba ito,Sec. Roxas, Gen. Espina at Gen. Rañola?
Pakisiyasat nga ninyo ang mga orbiterong ito dahil hindi pa man ay ginagasgas na ang mga pangalan ninyo sa pangongotong!
ASOSASYON GINAGAMIT SA SUGALAN
Sino ba itong Baby Panganiban alyas Baby Tomboy na umano’y Presidente ng samahan ng mga peryante na front naman ng iligal na pasugalan sa area ng CALABARZON? Pinaglalatagan nito ng kanyang peryahan na front naman ng iligal na pasugalan ang buong area ng CALABARZON.
Ang lakas ng peryahan nito na nilagyan ng mga iligal na pasugalan sa Cavite, Ponciano, Calamba, Laguna.
Wala kasing ipinagmamalaki ang tomboy na ito kundi malakas siya kina Laguna Gov. Ramir Hernandez at Cavite Gov. Jonvic Remulla. Mga gobernador?
MALAKI KAYA ANG TONG KAY MAYOR?
Uy malakasan pa rin pala ang pasugalan ni ex-police Marcing Lagarte sa JV Cockpit sa Brgy. Quilib, Rosario, Batangas. Magkano kaya ang ibinibigay ni Marcing Lagarte kay Mayor Manny Alvarez?
***
Anomang reklamo o puna ay i-text lang sa 09189274764, 09266719269 o i-email sa juandesabog@yahoo.com. JUAN DE SABOG/JOHNNY MAGALONA