NABABAHALA si Commission on Elections Chairman Sixto Brillantes na posibleng gamitin ng ilang kandidato ang ruling ng Supreme Court bilang depensa sa paglabag sa pagpapaskil ng mga oversized poster.
Ito ang reaksyon ni Brillantes matapos maglabas ng temporary Restarining Order (TRO) ang Korte Suprema laban sa kautusan ng Comelec na tanggalim ang Team Patay at Team Buhay poster sa Diocese ng Bacolod.
Naninindigan si Brillantes na labag ito sa campaign rules.
Gayunpaman, sinabi ni Brillantes na susundin nila ang TRO.
Nilinaw ng poll chief na hindi saklaw ng TRO ang ibang aksyon ng Comelec sa pagmonitor sa mga kandidato na lumalabag sa campaign rules, kaya patuloy pa rin silang magmomonitor sa mga naiuulat na paglabag.