SAKSIHAN ang unang pangkapuluang “PhilHealth – DOH Run 2013”. Ito’y tinaguriang “Run for Mother and Child Protection” na magaganap sa Pebrero 17, 2013 (Linggo) at idaraos sa Rizal Park- Quirino Granstand, Lungsod ng Maynila.
Ang programa ay magsisimula sa ganap na ika-4:00 ng umaga. Samantala ang unang [18K Gun start magaganap sa ika-5:00 ng umaga.
Ang nasabing event highlights o kaganapan ay magtatampok sa ika-18 Anibersaryo ng PhilHealth na may temang “Synergy for Universal Health Care”.
Sa nasabing “PhilHealth – DOH Run 2013”, inaasahang magkakatipon-tipon ang may 90,000 propesyonal at mga baguhang mananakbo sa mahigit 18 + lugar sa buong bansa. Kasama rito ang Maynila, Baguio, Dagupan, Tu-guegarao, Clark, Malolos, Laguna, Batangas, Legaspi, Iloilo, Cebu, Tacloban, Zamboanga, Cagayan De Oro, Davao, Koronadal, Marawi, Butuan and Tubod, Lanao Del Norte.
Ang “PhilHealth – DOH Run 2013” ay pangungunahan ni Department of Health (DOH) Secretary Enrique T. Ona kasama ang mga sorpresang celebrity.
oOo
HUGASAN ANG TIN CAN BAGO ITO BUKSAN
Inirerekomenda na hugasan nang mabuti ang lahat ng lata ng soda o mga canned soft drinks at juices bago buksan ang mga ito sa pamamagitan ng paghila sa ring nito.
Ang mga latang ito kasi bago ibenta sa market ay iniimbak muna sa mga warehouse.
Dahil sa mga ganitong pangyayari maraming alikabok o dumi ng mga hayop, insekto kabilang na ng mga daga, ipis, butiki atbp. Ang maaring dumapo sa mga canned drink na ito kaya marapat lamang na hugasan ang naturang mga lata bago inumin ang laman nito.
Bago buksan ang lata linisin muna itong mabuti. Mainam din na gumamit na lamang ng straw o baso para walang diretsong contact mula sa bibig tungo sa lata.