MARIING itinanggi ng pamunuan ng KLM Royal Dutch Airlines na nagtatangi sila ng mga pasahero at tiniyak na kanilang tinatanggap ang lahat ng mayroong kumpletong travel documents.
Ito ay matapos lumabas ang ulat na pinigil ng isang staff ng KLM sa Kuala Lumpur si Arjean Marie Belco, 18 taong gulang, na mula sa Talaandig tribe sa Bukidnon, na pupunta sa Brazil para sa World Youth Day.
Hindi pinasakay sa connecting flight papuntang Brazil si Belco dahil hindi umano ito “fit to travel” sa kabila ng kumpletong papeles mula sa Good X org na kanyang sponsor sa biyahe.
Dalawang araw na na-stranded sa Kuala Lumpur si Belco, bago ito tuluyang nakapunta sa Brazil, matapos magparebook ang flight.
Samantala, kinumpirma naman ng DFA na dumating si Belco sa Brazil noong Martes sakay ng KLM flight KL 705.
The post Discrimination isyu, itinanggi ng KLM appeared first on Remate.