KATATAPOS lang ng game 6 ng NBA finals. Naging mainit ang laban at dahil tabla ang Spurs at Heat sa nakaraang anim na laro, may game 7 pa sa isang araw para madeklara ang kampeon.
Tumutok ang mga Pinoy sa buong mundo. Sa FB at sa Twitter, sobrang naging active ang mga netizen sa pag-post ng mga komento at mga encouragement.
Kahit tuloy hindi ka manood ng laro mismo, malalaman mo ang blow by blow account ng laban dahil sa blow by blow update sa FB at sa Twitter.
Sobrang big fan talaga tayo ng basketball.
Dalawang kolum na natin pinag-uusapan ang sports na dapat sana ay mas tinututukan nating mga Pinoy para magkaroon naman tayo ng gintong medalya sa Olympics.
Obviously, hindi sa basketball kasi kahit gaano natin kamahal ang sports na ito ay malayo pa rin tayo sa top world ranking.
Kaya nga dapat ay pumili tayo ng sports na magaling tayo at suportahan natin ito para kahit manawari ay makakuha tayo ng gold medal para sa anomang sports na makapagdadala ng karangalan sa bansa.
Ang dalawang sports na pwede talaga tayong mamayagpag ay billiards/pool at bowling. Pag nag-check ka ng mga laban ng billiards sa mundo, siguradong may Pi-noy na naglalaro, nananalo at nangunguna.
Kung maaalala natin, si Paeng Nepomuceno at si Bong Coo ang nagpasikat sa Pilipinas dahil sa bowling. Pero ang malungkot ay wala sa Olympics ang dalawang sports na ito.
Napakaraming lobby ang ginaganap para masama sa Olympics ang billiards at bowling. May nagsasagawa pa ng signature campaign para ma-consider nga ang dalawang sports na ito.
Isipin na lang kung Olympic sports ito, eh sigurado sikat ang Pinoy at magkakaroon na tayo ng Olympic gold.
Sana ay tinututukan din ng Philippine Sports Com-mission ang pag-lobby na maisama nga ang billiards at bowling sa Olympics.
Ang beach volleyball nga, dati hobby lang at past time lang sa beach, ngayon ay Olympic games na. Sana naman.
The post BILLIARDS AT BOWLING NAMAN appeared first on Remate.